صمتي ليس جهلا بما حولي ولا كن ما حولي لا يستحق الكلام

مش مهم العدد المهم ان ليا صوت

الاثنين، 28 ديسمبر، 2009

امسك حرامي


ياتري في حاجه تستحق انها تيجي علي كرامه انسان او يتهان ويضرب
والناس تتفرج عليه وكله ما يصدق يجامل ويضرب
كل ده عشان واحد غلط ومد اديه وسرق

محدش يعرف سرق ليه ولا ليه مد ايدو علي حرام ليه
ولا هو معاه حق انو سرق ولا المفروض نحكمو ونقول الحرمي ملوش ديه
يعني واحد يسرق نقتلو وعادي بقي مش مهم ده حرامي
كل ده عشان سرق
طيب سرق ليه
مش اكيد في سبب
محدش كلف خاطرو وسئلو
مع ان في ناس كتير بتسرق
واحنا بنضرب ليهم تعظيم سلام

مهي البلد مليانه حراميه
ولمواخده يعني حراميه اصلي ملينين وتخان كده ومربربين يعني حرميه جمدين
بس دول بقي شكلهم فوق كل حاجه فوق اي بني ادام
يدوسه ويسرقو يكسرو اقفل بس طبعا مش بيسرقو خمسين جنيه بيسرقونا

الي يحاكم الحرامي الي سرق خمسين جنيه
وسايب الي اخد كام مليار وطار علي سويسرا ولا جوز البتنجان ولامعرفش اسمه ايه
اهي حته كده بيتصرف فيها فلوسنا علي كل حاجه غلط وحرام
واحنا نبص علي الي بيسرق خمسين جنيه
والله فينا الخير
ليه بنحاكم الي مش بيتحاكم ليه بنحاسب الي مش بيتحاسب
ليه علي طول ببنبوص علي الحرامي الصغير ونطلع عينو مع انو كتير من الوقت بيكون معاه حق
لاكن بقي الي معاهم الملاين دول بيسرقو ليه
ويجو علينا ليه
عشان بنسكت
ولا عشان هما فواق القانون
ولا عشان القانون اصلا معاهم وفي جيبهم
ولا عشان البلد ديه مفهاش حكومه غير علي الغلابه
الي يدوب معاهم حق رغيف العيش علي متفرج
اه احنا بنحب البلد ديه وبنعشق تربها كمان
بس بردو مش تيجي علينا اوي كده
الناس كلها مشيه تسرق في بعضها كله بيسرق كله
مفيش حد بيامن لحد كل شغال سرقه في بعض
حتي الحرميه الصغيرن بيسرقو في بعض
والكبار بيسرقو في بعض
والناس سكته ومش عارفه تعمل ايه
فا الناس بقي ما بتصدق تقفش في رقبه اي حرامي
وطلع عليه القديم والجديد
تفتحلو محضر وتعمل ليه محكمه ونيابه كمان
بس نفسي مره القي محامي يدافع
ويشوف السبب ايه الي خلها يعمل كده
انا مش بقول معها حق بس بردو ناخود بل اسباب
ولا ايه يعني الي بيخدو مليارات معهم حق يعملو كده
ويخدو القروض من البنوك ويخلعو
وقشطه اوي كده سلامات يا حكومه بقي الي يعرف يجبنا يجبنا
الشعب يولع والكبار يعيشوه
واحنا نولع في الحرامي بتاع لخمسين جنيه
وسيبن الكيبر
الناس الجمده دهيت الي بتسرق عشان تعمر الصحرا
وتبني شقق لشباب مهو بردو الشباب من حقو يكون عايش وليه شقه بقي ويتجواز
وتعمل مشاريع سكنيه
الي بقسط يومي رخيص جدا يدوب 2000 جنيه في اليوم
حتي اخر مشروع اعلناتو مغرقه التي في
ملتو كابينه ديه ولا معرفشي ايه
مجمع سكني كامل هتلاقي القهوه تحت البيت وبتاع العيش فارش ع الرصيف وبتاع الخضار وره البيت
يعني عيش احلي ما في الحظه
هتلاقي ملاعب للكوره
واهم حاجه المسحات الخضره
عشان تلعب جولف برحتك
اصل المصرين من عشاق الجولف
مش عارفه ليه يعني بيعرفو يلعبو اوي

يلا بقي مهو مهما قلت هيفضل القول ضايع والكلام مفيش منو فايده
وهيفضل الحال هو الحال
ومش انا الي هعدل حال الدنيا وهغير فيه
بس يمكن اعرف اعمل فرق حتي لو لنفسي
او اي حد هيشوف كلامي
ومن الاخر بردو ده كلام من وجه نظري يعني مش بفرضها علي حد
بقول الي انا عاوزه اقوله والي انا حسه بيه
والله بحب البلد ديه بس عيزه حلها يكون غير الحال
خلاص الكلام وسلام
ملحوظه من قعر الحله

الحرامي ده كان بيسرق محل صغير كده
الكلام ده حصل من ايام قليله بجد
ومكنش في في الدرج غير 50 جنيه
المهم الحرامي الغلابان
اخد العلقه التمام
وفي الاخر صاحب المحل عطي ليه ال 50 جنيه
والله الشعب ده طيب بجد
يضرب ويصالح

هناك 57 تعليقًا:

Wanda يقول...

الناس عارفة حالة الحرامى اكيد انه غلبان علشان كده بعد العلقة اديته و ربنا يهديه و يلاقى سكة رزق صالحة

المهم
لعلمك من خلال شغلى لاحظت ان الكبار الاغنياء اكثر ناس تخاف على القرش بشكل
متصرفش من جبها بالساهل
و ركزى كده تلاقى اغلب الى بيعملوا بزنيس مهما يكون معاهم راس مال ، الفلوس الى بيصرفوها بتكون قروض بنكية
يعنى المغامرة مش بفلوسهم بفلوس الناس :-) فى الاخر بيحسوا ان فلوس الناس ده حقهم لان محدش وقفهم و قالهم ازى و فين و رجع :-)

career consultant يقول...

فعلا شعب طيب بجد
الحرامى فيه ما بيسرقش علشان منحرف
دا علشان غلبان وعايز يعيش
واللى بيتسرق منهم عارفين كده
يضربوه ويعطفوا عليه
عمار يا مصر
لانى متخصص فى جمع القصص ولكن المزية منها عجبتنى جدا مدونتك الجميلة الانسيابية فى افكارها
قلمك على سجيته ودى فعلا متعة القصص
ادعوك لتشريفى فى مدونتى الوليدة ......لا تذهب بعيداً
www.dontgpfar.blogspot.com
قصص رمزية تساعدك فى تغيير الكون

محمد عبد الوهاب mhmdwahab يقول...

انتى زعلانة على الحرامى قوى لية كدة اوعى تكونى بتنصصى معاة اخر النهار؟ بس هو يستاهل الضرب لية علشان المثل بيقول ان سرقت اسرق جمل مش حتة بخمسة يدوب تمن كيلو لحة
انما لما يسرق على الاقل كام مليون راح تتغير حياتة و يبقى باشا هو يستحق الضرب عندة البنوك مليانة على اخرها فلوس والحكومة حتى مش هاين عليهم يستثمروها فى اى مشروع ويشغلو الناس.كان راح هناك وكبش حبة ويستثمرهم فى اى حاجة بس يبقى يفتكرنا بقرشين

lostlove يقول...

Wanda

تحياتي ليكي
اشكرك علي مرورك

معاكي حق فعلا
قروض بنكيه
يعني علي حساب الناس الغلابه
ويمكن تكون مشاريع وهميه
ويخلعو بل فلوس
تحياتي
واتمني التوفيق

lostlove يقول...

career consultant
تحياتي ليك
فعلا شعب طيب
يضرب ويصالح
شكرا علي مروك
اتمني التوفيق

lostlove يقول...

محمد عبد الوهاب mhmdwahab

لاء مش بنصص
ههههههههههه انا الحرامي الي اضرب
مش شايف العطف علي نفسي
لاء لحد يصدق
هو صعب عليه اوي بس
عشان محدش فكر هو سرق ليه
ومعاك حق ياريت راح يسرق جمل
دي حته بخمسين
يعني ممكن مش تكفي حد الحمه
تحياتي ليك
اتمني التوفيق

sookra يقول...

لوست لف
ياسكره انتى
قلبك شكله خفيف وحنين اوى
البلد مليانه حراميه بيطلع عنيهم وعنين اللى جايبينهم
ربنا يهديهم ويصلح حال البلد يمكن يتصلح حالهم

lostlove يقول...

سكره
تحياتي ليكي
نورتي
مش قلب خفيف
بس بحب اشوف ظروف الناس اكيد هي مبقتش كده من فراغ
وفعلا كله بيسرق كله
ويارب يعدل حال البلد
تحياتي ليكي
ووشكرا علي مرورك
اتمني التوفيق

محمد عبد الوهاب mhmdwahab يقول...

ممكن اعرف عنوان صاحب المحل دة ويكون فى اكتر من خمسينايا يعنى متنايا ولا حاجة بس اوعى يكون بيضرب جامد يعنى حبة شتيمة وحبة ضرب يبقى ماشى

lostlove يقول...

محمد عبد الوهاب mhmdwahab

هههههههه
المحل ورانه
بس المشكله مش في صاحب المحل
المشكله في الشعب والشعب في خدمه الشعب
بيحبو يجاملو
ههههههههههه الناس هتتلم عليك وهتصرف الي اخدتو علاج
تحياتي ليك
وشكرا علي مرورك
اتمني التوفيق

محمد عبد الوهاب mhmdwahab يقول...

بس انا راح اكون مطمئن جدا لية علشان انتى اكيد هتكونى واحدة من الناس وهتحوشى ودفعى عنى ولا مش هصعب عليكى زى الحرامى الاول ما احنا كلنا حرامية و غلابة يا استاذة اقصد انا والحرامى الاولنى

lostlove يقول...

محمد عبد الوهاب mhmdwahab

لاء طبعا اكيد هحوش واداف
ويمكن اقف جون كمان
هههههههههه
انا بدافع عن اي انسان في موقف هو فيه ضعيف
ههههههههههههه فا اكيد بعد العلقه هتصعب عليه
وهاجي اكتب بوست زي ده
تحياتي ليك

محمد عبد الوهاب mhmdwahab يقول...

الحمد لله يعنى فلوس و عطف و فضيحة لالا اقصد شهرة كلة فى عملية واحدة

lostlove يقول...

محمد عبد الوهاب

من نحيت الفضيحه
هههههههه
قصدي الشهره
هتشهر هتتشهر
الناس هتحكي في اسمك شهور
ههههههههههه شهره بجلاجال
تحياتي ليك

عاوز اصحي يقول...

والله بقى كل برغوت على قد دمه هههههههههه

بالنسبه لي مفيش فرق بين حرامي كبير وحرامي صغير كلهم سواء

الحرامي الصغير طبعا لما هيسرق هيسرق واحد غلبان تعبان عدمان اكيد هيأثر فيه والتأثير هيكون جامد

والحرامي الكبير طبعا هيأثر فينا بس بنسب طبعا متفاوته

هو انا تهت في الكلام ولا ايه اصلا انا لما بكتب كتير بحس اني تهت

تحياتي

م/محمود فوزى يقول...

السلام عليكم
جزاكم الله خيرا على الموضوع المهم ده

الناس ممكن تضرب واحد سرق 50 جنيه عشان ده اللى يقدروا عليه ناحيته
وكمان قيمه الخمسين جنيه بالنسبه لصاحبها ممكن دى تكون نسبه كبيره من مرتبه
يعنى ضايعها كارثه له
وبالتالى اللى يسرقها بالنسبه له زى اللى بيخنقه
وكمان الناس بتضرب لانها دى وسيله العقاب اللى قدامها لانها غالبا مش هاتوديه القسم عشان الناس مش فاضيه وكمان الناس بتخاف من القسم

انا مش بابرر لكن باحاول افهم

اما الحرامى نفسه فده طبعا لكل شخص ظروفه
وهنا دي مسئوليه الحكومه والمجتمع
انها تحاول تحسن ظروف الناس والمجتمع يحاول انه يشوف الغلابه ويساعدهم
اما الناس اللى بتسرق بالملايين فدى بتاخد من جيبي وجيبك وجيوب الشعب
والمفروض نتكاتف عشان نكشفهم
طبعا فيه ناس بتتحرك في الحاجات دي زى بعض اعضاء مجلس الشعب المشاغبين
لكن المشكله هنا ان فيه ناس كتير حاسه انها متقدرش تعمل حاجه ناحيه اللى بيسرقوا بالملايين
وده نتيجه ان فيه تخويف كبير لسنين طويله للى بيشتغل فى العمل العام
لكن الحمد لله فيه تحسن شويه فى الفتره الاخيره
وده شفناه فى الانتخابات 2005 وفى بعض المطالبات بالحقوق زى بتوع المعاشات

انا برضه باتغاظ من حكايه ملاعب الجولف دي
رغم انه بكل بساطه ان كام واحد فى مصر اصلا بيلعب جولف او يعرف بتتلعب ازاى اصلا
ودى بتاخذ مايه كتيره ومساحات كبيره وفلوس اكتر
في حين ان فيه ناس جالهم التيفود فى القليوبيه عشان المايه دي
ربنا يشفى المرضى

ربنا يكرمك ويسعدك

Mr.Hazem يقول...

ما بعرف يمكن اختلف مغك قليلاً
ولكن انا مع انه يتعاقب السراق حتى لو سرق دولار واحد وان الجميع تحت القانون ..

ولكن المصيبة في هذا الامر كما تحدثتي اننا نبحث عن الحرامي الغلبان , ونترك من ينهب الشعب ليل نهار دون ان نوقفه لمجرد السؤال ..
--
انا سعيد كثيراً بمرورك الدائم في مدونتي :)
ارق تحية

الايــــــــــام يقول...

المشكله ان الحراميه الكبار بحق بيسرقوا عيني عينك وما في حد يقدر يحاسبهم لانهم مافي حد يقدر عليهم غير ربنا لكن الحرامي بطل قصتك اصلو غبي ويستاهل العلقه الي اكلها يا اما يسرق حاجه عليها القيمه او يروح يدورلو على شغلانه شريفه ده لو لقاها اكيد ..
ربنا يصلح احوال الناس

تقبلي فائق احترامي وتقديري

مواضيعك رائعه

P A S H A يقول...

مســـــــاء الفــــل

- قصدك إيه يعني بالبوست ده ؟؟ هه ؟؟ بتلقحي على مين ولا موأخذه ؟؟ ... قولي قولي ما تتكسفيش ... هههههههه

يا ريت بعد كده تكتبي أسامي الحراميه الكبار ... عشان ما تخليش الواحد دماغه تلعب ... ولا أقول لك ... حرام ... هاتجيبي مساحة منين ؟؟ خلاص أكتبي اسم الشعب .. الشعب اللي انقرض من الفقر ... ودول مش هياخدوا سطر واحد ... شعب مصر سابقاً ... بوست جميل بجد
... أحييكي عليه ... ويبقى لي في ذمتك 50 جنيه عشان قريته هههههههه

من فوق اليخت بتاعي .. قرابة سواحل الماو ماو ... كان معكم المليمدير المشهور

أقعدي بالعافية
وكل سنة وأنت طيبة بمناسبة رقص السنة ههههههه

P A S H A

د/عرفه يقول...

إثنان لا يشبعان
طال علم وطالب مال

الحرامى الجامد ده النفوذ يسمح والسلطة تسمح
والفهلوة تسمح
ما يسرقش تانى ليه

وطبعا يسرق واحنا تعظيم سلام
شىء مستفز


بس موقف الحرامى والخمسين جنيه ده
موقف معبر اوى يكفى يتكب فى تدوينة لوحده

lostlove يقول...

عاوز اصحي
تحياتي
لاء متهتش ولا حاجه
بس كل بيسرق كله

وفعلا الحرامي الصغير بيسرق حد صغير
لاكن الحرامي الكبير بيسرق كل الناس
تحياتي ليك
شكرا علي مرورك
اتمني التوفيق

lostlove يقول...

م/محمود فوزى


تحياتي ليك
شكرا علي مرورك
وفعلا محتاجين اننا نتكاتف عشان نكشف الي بيسرقونا
بس احنا بنقدر ع الاضعف مننا
لاكن الكبار في خوف ورهبه اننا نوجهم
تحياتي
اتمني التوفيق

lostlove يقول...

Mr.Hazem
تحياتي ليك
انا مش بدافع انو سرق
ولا بقول كده صح
السرقه سرقه
بس احنا الي علي طول بنجي علي الضعيف
تحياتي
اتمني التوفيق

lostlove يقول...

الايــــــــــام

تحياتي ليكي
هههههه هو فعلا غبي راح يسرق خمسين جنيه بس
الكبار دول بيسرقو عيني عينك عشان احنا سكتنا
ربنا عليهم وقادر يخلصنا من الظلم
تحياتي
اتمني التوفيق

lostlove يقول...

P A S H A

تحياتي ليك
ههههه لاء متخفشي مش بتهمك ولا حاجه
ههههههههههههه اته سعتها كنت بتتفرج ع المتش
يبقلك عندي خمسن مش لما تجيب نص الخمسين الي اخدتها

هههههههه
تحياتي
اتمني التوفيق

lostlove يقول...

د/عرفه
تحياتي

فعلا الاتنين لا يكتفو طالب العلم وطالب المال
شكرا لمرورك
تحياتي
اتمني التوفيق

ابو العريف يقول...

انا حاسس بالا جوووووووووواكى بجد

انه خلاص معدتش فى مكان جوه قلبك

يستحمل الا بيحصل من ظلم للغلابة...


بس انتى لازم ما تقوفيش عند كده .

لازم تتخطى المرحلة دى

وواحنا لازم نفكر بعقلنا اولا .


- فهنلاقى كل كلامك منطقى

لكن انه الحرامى الصغير غلبان لالالا


لانه فى مصر بنطبق مثل بيقول/


- اضرب السايب يخاف المربووووط


هههههههههه


يعنى تضرب وخلاص


واهووووووووه كله بيضرب .


سواء بدنيا او معنويا.



بس مين الا بيضرب ؟؟؟؟؟؟؟؟

lostlove يقول...

ابو العريف

تحياتي ليك

نورت

هقولك مين بيضرب
تقربيا 99% من الشعب
دخلو خلاط
بس مش خلاط عادي
خلاط مسلح بتاع المباني
عشان االشعب المصري
مفروم صح في حاجه
تحياتي
شكرا علي مرورك
اتمني التوفيق

أحمد الصعيدي يقول...

السلام عليكم ورحمة الله

يا سيدتي الرسول الكريم يقول
اذا طلبتم الحاجات فاطلبوها بعزة نفس فإن الأمور تمشي بالمقادير

صدق رسول الله


شكرا لموضوعك

أسعدك الله

كرسي أعتراف يقول...

صديقتي ..
ابتسمي ، فأنتي علي أرض المحروسة
توقعي أي شئ

تحياتي لكلماتك المليئة بالحماس والفخر

كل عام وأنتي بألف خير

lostlove يقول...

أحمد الصعيدي

تحياتي ليك

صدق رسوال الله صل الله عليه وسلم

تحياتي
اتمني التوفيق

lostlove يقول...

كرسي أعتراف
تحياتي ليكي
شكرا علي مرورك
اتمني التوفيق

الحــ ــزين يقول...

كل سنة وانتى طيبة

الحــ ــزين يقول...

بجد انا فعلا سعيد جدا بزيارة حضرتك
متشكر

lostlove يقول...

الحــ ــزين

تحياتي

كل سنه وانته طيب

a7med-Mado يقول...

البوست تحفة والمدونة جميلة بجد
وفعلا عندك حق فى كل كلامك
والشعب المصرى مفيش أطيب ولا أغلب منة
بس هو بيحب يبان غير كدة ومش عارف لية ؟
سعيد جدا بزيارتى لمدونتك

~PakKaramu~ يقول...

Pak Karamu visiting your blog

محمد عبد الوهاب mhmdwahab يقول...

كل عام وحضرتك بخير
معظم الزملاء عملين بوست معيدة بالعام الجديد قولت لنفسى اغير انا واضرب واحد بوست درامى فى التحرش يشرفنا ويسعدنا زيارتك

حلـم،، يقول...

كل سنة وانتي والاسكندرية وبحرها وجوها وناسها الطياب بالف خير

انا حلم

تقبلي مروري

P A S H A يقول...

كل سنة وأنت طيبة.

lostlove يقول...

a7med-Mado

تحياتي ليك
وشكرا علي مرورك
وكل عام وانته بخير
اتمني التوفيق

lostlove يقول...

~PakKaramu~

تحياتي
هههههههههه
مع اني محتاجه مترجم كده

lostlove يقول...

حلم
كل سنه وانته بالف صحه وسلامه
شكرا علي مرورك
تحياتي
اتمني التوفيق

lostlove يقول...

P A S H A

وانته طيب وبالف صحه وسلامه
سنه سعيده يارب
تحياتي
اتمني التوفيق

اقصوصه يقول...

سنه ميلاديه مليئه بالطاعات

اتمناها لك :)

حلـم،، يقول...

اولا انا شاكر مرورك الذي ملاء واحتي عبقا سكندريا لن يضيع اثرة


اما بالنسبة لمعالجتك لتك الظاهرة


كان العلاج في اخر سطر


هي دي مصر

وناسها الطياب

كل المودة لكي ايتها الرائع كما بلدك

انا حلم

lostlove يقول...

اقصوصه

سنه سعيده عليكي
تحياتي
اتمني التوفيق

lostlove يقول...

حلم

تحياتي ليك
وشكرا علي مرورك

اتمني التوفيق

كرسي أعتراف يقول...

happy new year

lostlove يقول...

كرسي الاعتراف

تحياتي

وسنه سعيده عليكي

۪۫H۪۫۰۪۫A۪۫۰۪۫P۪۫۰۪۫P۪۫۰۪۫y۪۫۰-۰۪۫ (♥۪۫) -۪۫۰۪۫N۪۫۰۪۫E۪۫۰W۪۫۰-(♥)-۰۪۫Y۪۫۰۪۫E۪۫۰۪۫A۪۫۰۪۫R۪۫

Sharm يقول...

المصريين طيبين

أم .. بوبه يقول...

دعوة لمدونتى الجديدة

http://awraktanbod.blogspot.com/2010/01/blog-post.html

amirelhob يقول...

تستخ\حقى مين اللى يستحق العقاب بجد حرامى سرق كم جنيه او كام مليون او كام مليار ولا حرامى سرق حلم ومش بس سقه واستفاد بيه لا دا سرقه وقتله
بوست جميل وربنا يوفقك وانا عن نفسى بتمنلك كل خير وسعاده صحه وتوفيق وفرح وابتسامه تدوم يا رب طول العمر

lostlove يقول...

Sharm

فعلا شعب طيب
تحياتي
وشكرا علي مرورك
اتمني التوفيق

lostlove يقول...

أم .. بوبه

تحياتي
مدونتك الاول احيكي عليها
والف مبروك علي الجديده

lostlove يقول...

amirelhob

عمرو
تحياتي
شكرا علي مرورك
اتمني التوفيق

عبد العزيز حسين عمار يقول...

على فكرة كلامك حلو وجرئ وعجبنى بس واضح انك مخنوقة من كل حاجه .. انا سعيد بالتعارف على مدونتك وهذا رابط مدونتى
http://amarviewfree.blogspot.com/

http://azizamarlawyeroffice.blogspot.com/