صمتي ليس جهلا بما حولي ولا كن ما حولي لا يستحق الكلام

مش مهم العدد المهم ان ليا صوت

الخميس، 17 ديسمبر 2009

حجات طلعت مني فجاء


انا معرفش عملتها ليه بس لقيت نفسي عاوزه اتكلم وخلاص عاوزه اكتب اي حاجه واطلع حجات كتير جويه سعات مش بلاقي حد يسمعني واكيد مش هلاقي الي يفهمني عجبني موضواع التدوين قلت ادخل واجازف مهي الدنيا كده تجارب اجرب حاجه جديده في النت بدل الرغي طول الوقت علي ميل ولا شات ولا جروب زعلان من كل حاجه علي الفيس هنا بقي هرغي مع نفسي اكلم فيها وتكلم فيه واكتب حتي من غير ما ابقي محضره كلام اخلي ايدي تزل علي الكي بورد من غير ما احركها كان نفسي اقول زي زمان قلمي هيكتب الي حسه بس القلم اتكسر وبقي لوحه ادامي سعات كتير بحس اني مش بكتب وسعات بقول قلمي وحشني اوي وعاوزه اعد افتح اي كراس واشغبط بس ايدي خلاص مش وخده علي مسكت القلم حجات كتير ملغبطه جويه في الحظه ديه انا بكتب وبتكلم ومش عارفه انا قلت ايه بس
بس كل الي انا عارفه اني عاوزه اتكلم
مش عارفه الدنيا وحشه ولا انا الي حظي وحش
مش عارفه انا صح ولا غلط
انا ملاك ولا شيطان
انا ايه في وسط الدنيا ديه
بفكر وبحسبها صح
ولا مش فارق عندي حاجه
بخاف علي الي بحبهم ولا هما مش فارقين عندي
ياتري انا فارقه عندهم ولا هما انا بنسبه ليهم ولا حاجه
حجات كتير ملغبطاني
ويمكن ده بوست عجيب اوي في بديه مدونه
بس انا مش عملها عشان القي تعليات كتير
ولا ناس بتمدح ولا حتي بتشتم
انا عملتها
والله ما عارفه بجد انا عملتها ليه
بس الي انا عارفه اني عملتها عشان اتكلم
ولو حد دخل وشاف كلامي وحابب يقلي اي نصيحه تفدني لو مكتئبه سعات
او يهنيني علي حاجه انا سعيده فيها سعات
او مجنونه يدخل يقلي انتي مجنونه
انا طولت كتير ورغيت كيتر
هقول بقي ده اخر كلام
عشان هقوم انام يمكن
؟؟؟؟؟؟؟؟؟

هناك 22 تعليقًا:

إبتسامة ملاك يقول...

السلام عليكم

ازيك ياقمر
كووووووووووووول سنة وانتى طيبه وسعيده يارب
ويكرمك خير حبيبتى

إبتسامة ملاك يقول...

اهلا بيكى بعالم التدوين

وان شاء الله تلاقى نفسك معانا وفى وسطنا
احنا هنا كلنا اخواتك ياقمر

واكتبى وفضفضى وعبرى عن اللى جواكى يمكن ترتاحى

كلنا زيك مش انتى لوحدك ياقمر
لو عندك مشكله احكى وشاركينا كلنا يمكن نقدر نريحك
بتمنالك السعاده من كل قلبى
وربنا كبير وكريم ورحيم على عباده
واكيد الاحسن عند الله

خليكى قوية
وربنا يحميكى

وانا موجوده لو احتجتى اى حاجه
بالتوفيق ان شاء الله تعالى
مودتى
ايناس

sookra يقول...

اولا كل سنه وانتى طيبه وبالف خير
ثانيا انا كمان دخلت عشان اكلم نفسى وبصراحه اتعرفت على ناس فوق الوصف
لكن صدقينى وعن تجربه
لو انتى زيى انا يبقى هتلاقى نفسك برده وحيده وحزينه
وعشان كدا ارجوكى بجد حاولى تبقى جامده اوى
صباحك شيكولاته

ريمان يقول...

السلام عليكم

اهي بس كل ده

والله مش انتى لوحدك كده

وبعدين اكلمى براحتك وفضفضى يا قمر

بس روقى كده يا جميل

Tamer Nabil يقول...

مش مهم عملتى البوست لية ولمين المهم انك كتبتى واستريحتى بما كتبتى ودى اهم حاجة

وديما اكتبى زى ما انتى عايزة واللى تحبى يكون حروف كلمات هنا اكتبية

ومرحبا بيكى فى عالم التدوين

مع خالص تحياتى

Hager Za3bal يقول...

اكتبي .. واكتبي .. واكتبي ..

قلمك الرصاص وورقتك هما اللي هيخرجوكي من اي حالة حزن ووحده ..

فضفضي ليهم هترتاحي اوي ..

بس حاولي تكسري الحزن بسرعه، قبل ما يكسرك ..
وحاولي تستغلي القلم والورقه دول صح ..

وانا متابعاكي :)

تحياتي

amirelhob يقول...
أزال المؤلف هذا التعليق.
blue-wave يقول...

كويس انك تتكلمى عن اللى جواكى
تكسبى اصحاب جداد
واهلا بيكى وسطنا
وفى انتظار فضفضاتك

عبد من عباد الله يقول...

قيمه المرء ما يقدمه للحياه ما بين ولادته و وفاته .

مصطفى محمود

lostlove يقول...

وعليكم السلام
ابتسامة ملاك
نورتي وكل عام وانتي بخير

lostlove يقول...

sookra

نورتي
وكل عام وانتي بالف خير

lostlove يقول...

وعليكم السلام
ريمان
نورتي
بازن الله هروق هبقي احسن
عشان بجد حسيت ان ممها الدنيا فيها ناس بتبعد
بلاقي ناس جديده بقرب
شكرا لمرورك ونورتي

lostlove يقول...

Tamer Nabi

وعليكم السلام
نورت وشكرا لمرورك

lostlove يقول...

Hager Za3bal
هكتب وهكتب اكيد عشان هي ديه الحاجه الوحيده الي بتخلني احس اني لسه عايشه
نورتي وشكرا لمرورك

lostlove يقول...

blue-wave
نورت وشكرا لمروك

lostlove يقول...

عبد من عباد الله
نورت وشكر لمرورك

lostlove يقول...

شكرا ليكم كلكم بجد وشكرا علي انكم استقبلتوني وسطيكم اخت وصديقه ليكم اتكلم واحكي معاكم
وافضفض بالي جويه بجد
تحياتي ليكم واتمني التوفيق

miroooo يقول...

السلام عليكم
بصى يا حبيبتى بغض النظر عن اللى انتى متضايقه منه وبم ان انا ماعنديش خبره كبيره اوى فى الحياه بس عندى حل ممتاز لاى حاجه بتضايقك ودايما بانصح بيها اصدقائى وهى انك تتقربى من ربنا اوى واحكيله زى مابتحكى لاى حد قريب منك واكيد هتلاقى عنده الحل والراحه صدقينى جربى ده سر السعاده وكمان احنا كلنا معاكى واتشرف جدا بصداقتك
تاكدى اننا دايما هنكون جمبك وهنغير المود اللى انتى فيه
تمنياتى لكى يالتوفيق والسعاده

lostlove يقول...

miroooo

شكرا لموروك
وفعلا انا عملت كده
وقربت من ربنا عشان كنت حاسه اني بعيده اوي
والحمد لله علي كل شيء
اتمني التوفيق

ابو العريف يقول...

شكرا بجد على مرورك على مدونتى

وانا مش بدخل ع النت بسبب الشغل واخد معظم وقتى

لكن لما قرات تعليقاتك والله

حسيت انه كلامى اهوه حد بيقرائه

فشكرا كبير ليكى بجد.

ابو العريف يقول...

ارجو انك تساعدينى فى مدونتى لانى خيبة
شويه ههههههههه

لسه مش عارف حاجة فى المدونات .

lostlove يقول...

ابو العريف

اقدر اساعدك ازي
مع العلم

اني نيله خالص في حايت المدونات ديه
وجيت معايه كده صدفه غريبه