صمتي ليس جهلا بما حولي ولا كن ما حولي لا يستحق الكلام

مش مهم العدد المهم ان ليا صوت

الثلاثاء، 23 نوفمبر، 2010

ايه وايــــــــه وايــــــه وايــــــــــه


الكلام بقي كتير اوووووووووي وصل معايه اني مش عارفه اتكلم عن ايه
كليو طمام بي
10
ولا كيلو سكر بقي بي
8 جنيه
اسعار بقت نار
ولا ناس خلاص عايشه في دمار
ناس في الشارع امسك يعم تحري طيب عملت ايه
شكلك مش عجبني اشتبهت فيك
وبردو ساكتين
ومسلمين للوقع
قالو انتخبات مجلس ولا حزب ولا حتي رائيس نادي
طيب ومالو الي انتو شفينه صح احنا هنشوف امته مش عارفه
هتبقي جد وليك صوت هتاخود بل جزمه
هتبقي هلس وتافه ومتعملش حاجه مفيده
تبقي صحبي وحبيبي وكفائه
تغلط اعصرك انزل منك شعب مطحون
قلت بدايه وقلت نهايه
لحد ما اخدت قرار تجاهل العالم الخارجي
وابني عالمي الخاص
شويت وهم + شويت خيال+ شويت حجات تفها كتير اووووي



======
مجتمعنا دلوقتي
=======
هو صحيح العيب في المجتمع والا العيب فينا
عايشن تحت شعار تتكمل قطع لسنك
تسمع جاك طرش في ودنك يا اخي انت ديما تسمع غلط
نشوف لاء اكيد انت عندك عما الوان
==========
لغبطه في جنان في كلام مش منطقي
======
مش لوحدي علي فكره الي كده

=======
اعرف غيري كتيررررررررر
========
هو الجنان والتهيس ده واقع ولا خيال مش عارفه
=======
احنا ضحيت مجتمع فاشي
==========
ال قوليلي يا اختي يعني ايه فاشي دي
======
صح يعني ايه فاشي حد يعرف بجد معرفشي بس عجبني الفيلم ده
=========
الثلاثه يشتغلونها
===========
في الفيلم ده احلي حاجه ان الي اشتغلوها بس
==========
حد يعد بقي احنا كام واحد بيشتغلنا
كا شعب مصري يعني
==========
اخر كام سطر بقي
======
كل سنه وانتم طيبن وده بعد العيد السعيد
وطبعا بما ان الدنيا كانت مولعه مش هقول لحد فين لحمتي ولا فين عديتي
وبجد شكرررررررررررررررررا كبيره اوووي لكل الناس الي بتدخل تعلق مع اني مش بكتب غير كل سنه مره
بحس بجد ان ليا صوت مسموع
========
تحياتي واتمني التوفيق
=========
اخر ملحوظه رخمه
=======
انا مش عارفه قلت ايه فا يعني يعني لو حد دخل وشاف الكلام وانا اشك
عشان المدونه مهجروه
يقلي هي البلد كده ليه
والناس كده ليه
وانا بس الي تايه كده ولا في كتير غيري
=======
والسلام ختام




السبت، 2 أكتوبر، 2010

مش عارفه بس نفسي اعرف

عجبتني الصوره وعجبتني الجمله الي عليها
ما ينفعش نطفي الامل من حياتنا حتي لو كان ضوء بسيط وصغير ومختفي لابعد الحدود
لازم ندور عليه ومنفقدش الامل حتي لو كل الناس بعدت وخانت وباعت حتي لو خصرنا كل حاجه
الهورب مش حل والخوف مش حل والضعف مش حل حتي الموجه طلعت مش حل
انا مش لقيه حل مناسب غير اني افضل موجوده وبتنفس مسبش الامل يختفي حتي من حقي في الحياه
اختفيت كتير ب ارداتي وظروف جت غصب عني خلتني اختفيت اكتر بس بجد نفسي ارجع لنفسي تاني
وحشتني المدونه وي وحشني كل الناس الي هنا وي وحشني التعليق علي كل كلمه ليهم وحشني الكلام اوي
علي فكره كمان طلع السكوت مش حل
بس ياتري الكلام هيبقي حل مش عارفه
بس هاجي واتكلم واعرف ويمكن القي حد معايه يعرف
يلا عشان ما اطولش وارغي كتير
تحياتي
اتمني التوفيق
والصحه
والسعاده
والامل
لكل الناس

الاثنين، 31 مايو، 2010

بدون عنوان

عارفه ان انا مختفيه ومش بكتب ولا بتكلم ولا بقول اي حاجه غيظاني
ولا بفضل ارغي كتير كا العاده يعني
ولا بروح ارغي عندكم في مدونتكم كلكم
يمكن عشان كلامي خلص
بس الكلام مبيخلصش
يمكن عشان الدنيا بجد ملغبطه
يمكن عشان مفهاش غير عقد وكلاكيع
هي فعلا الدنيا خربانه بس مش اعلام وبس
هي خربانه من كل حاجه
وانا قريب بازن الله بس اخلص العقد والكلاكيع الي عندي وافكها
وهرجع واقول واحكي وافضفض وارغي واقول الي غيظني وغيظكم
وشكر كتير اوي لاي حد بيسئل عليا واي حد بيسبلي تعليق
واي حد بيجي المدونه هنا حتي لو مش بسيب رائ

تحياتي
اتمني التوفيق



الثلاثاء، 20 أبريل، 2010

هي ديه النهايه


الدنيا خربانه

بجد خربانه اوي كمان

ايه الي بيحصل معرفش
بس البرامج الي ع التي في بجد بتقول حجات كتير

امته هنفوق ونحس انها خلصت

معرفش
بس الي يعرف يقول

حمله ع الاعلام

ومعرفش مين هيتحاسب

حد فيكم شاف ايه غاظه في التي في
يحكي عليه
وكل الي يجي يركز في الكومنت

مفيش بوست
في كومنت هيتعمل فيه موضوع

تحياتي

الأربعاء، 14 أبريل، 2010

فــــــــــيلم ثـــــقافي



مشكله مش هتكلم فيها لوحدي عشان حسه انها اكبر مني شويتن
بس هقول رائ وهسيب الباقي ليكم وفي التعليقات كل الي يقول تعليق ياريت يتكلم عن المشكله ديه


ليه وصلنا للمرحله ديه
الفليم غيظني جدا
وفيه شويت مواقف تحرق الدم بجد
الهروب من الواقع بجد بقي بيوصل الشباب للمرحله ديه
ياتري العيب في مين
مين المسؤال ع الضايع الي بنوصل ليه يوم بعد يوم
هنحاسب حد ولا يمكن العيب من جوانا
احنا الي بنكون غلط ولا الواقع الي بيتفرض علينا
انا مبقلش ان الشباب في الفيلم ده معاهم حق
بس بردو ظروفهم كانت كده
ياتري بقي موجد في كل بيت كام شاب زيهم
في كل شارع في كل مكان قريب لينا
جارك صحبك اخوك ابن خلتك ابن الجيران زميلك في الشغل الي مش جايب همه
صحبك الي بتفضل معاه في القهوه
بجد المشكله كبيره
ومش لقيه شماعه بجد اعلق عليها السبب
عشان هنا الشمعات كتير اويىىىى
حكومها غفلنها وصوتنا عمره ما بيوصل
شباب هربان لاي واقع غير الحقيقه الي ادامه
اهل مش شيفن ان عيالهم في خطر
بعد عن اي مبداء
اننا خلاص بعدنا اوي عن ربنا
لان خلاص مبقاش في اي وعي اسلامي يوجه الشباب ديه
دنيا خربانه وشباب تعبانه وزهقانه وفقدت الامل في بكره
وفقدت الامل في انها ممكن يكون ليها زوجه واطفال
ياتري الزنب زنب مين
وهما نفسهم زنبهم ايه
انا مش عارفه ولا هما عارفين
انتم بقي ياتري عارفين

ملحوظه
عارفه اني بغيب كتير وشكرا اوي لكل حد بيسئل عليا
بس مشاكل النت عندي وحشه اوي وكل شويا بيفصل
بستغل اي فرصه واكتب حاجه كده في السريع
او مش السريع اوي لان الموضوع ده غيظني فعلا
وانتشر اوي مش بس الكلام علي قصه الفيلم بس وشري الفيديو
بسم الله مشاء الله يعني النت مش مخلي حاجه والضياع الي وصل ليه الشباب الايام ديه حارق دمي بجد
المفروض احنا الامل واحنا بكره
لما يبقي بكره مضمر كده
ياتري هيبقي من حقنا نحلم
ولا لزم ندفن اي حلم
مش عارفه
ومش هعرف اكتب اكتر من كده
وباقي الموضوع ليكم ويارب القي في تعلقتكم باقي للموضوع
تحياتي
اتمني التوفيق

الأربعاء، 10 مارس، 2010

ياتري تحبها ايه ؟؟؟؟




الحاجه الي غيظاني اكيد غيظه كتير اوىىى

بجد الي بيحب وحده ولا مرتبط باي شكل رسمي ولا غير رسمي
ياترى هو عاوزه ايه
ساده ولا زياده ولا مظبوط ولا عريحه
ولا كرميلا ولا يمكن مانووو
قلبت علي اهوجي عارفه
بس اصل الحكايه ملغبطه
مهي المكشله مش حكايه وحده هما اتنين تلاته كده
وكلهم بيجو علي نفس السؤال
انته عاوزه ايه؟؟؟؟؟
الحكايه الاوله
حكايت بنت عاديه جدا
مرتبطه بحد يمكن غير عادي بسبب شغله
بيسافر كتير وتقربيا بيشوفها مره في الشهر
هو بقي مش عجبه الوضع كده هو الحب بنهم مش كبير اوي مش قصه سنين وكده
بس لسه في اول الارتباط المهم انها بتوحشه فا اخر مره رجع من السفر طلب منها بوسها
وفعلا بسها في خدها البنت اتكسفت وي وشها احمر وجابت الوان
بختصار عشان ابطل رغي كا العاده
هو مش عجبوه كده
مش عاوزه تتكسف عاوزه اقل واجب اول ما تشوفه تاخده بل حضن
وهاتك يا بوس وبكده يبقي هي بتحبه وهيعرفو يعيشو مع بعض
طيب عشان هي بتتكسف ومؤدبه يبقي تقول انك زهقت
ومش عاوز تكمل
يا سبحان الله مهو كان زمان كل الشباب بيحب كده
عاوزه قطه تبقي قطه تقول عاوزها خبرا
حيرتونىىى يا بني ادمين

الحكايه التانيه

بنت جريئه جدا
عارفه كل حاجه واي حاجه
عايشه حياتها طول وعرض
بس بحدود وقوانين عملتها لنفسها
وخلتها نفسها مرايه لنفسها
تحاسب وتعقاب نفسها
ارتبطت بشخص انسان عادي
شخصيه جمده جرئ هو التاني
يعني قريبن من بعض في التفكير
كل الناس شافو انهم مظبوطين علي بعض
بيعترض بقي حضرته
ازي هي تسئلني في كل حاجه وفي كل احساس
فتره الخطوبه في فتره المعرفه
يعني هي مبتغلطش لما عاوزه تتعرف علي الراجل الي هيكون جوزها

عادي بتتكلم بطريقه عاديه ومبتقلش كلام مبالغ فيه
بس هو مش عجبه
عاوزه قطه مغمضه مينفعش تبقي عارفه كل حاجه كده
لزم هو الي يعلمها والا الشك هيدخل في قلبه من نحيتها
والاتنين دول سابوني مع نفس السؤال
ياتري هو عاوزها ايه؟؟؟؟؟؟
ياتري بقي يا هو ويا هو ويا هو ويا هو
ويا كل هـــــــــــو ع الارض
عاوزين البنت ايه
حيرتونيىىى اوىىى
مغمضه مش عجبه
جريئه موش عجبه
طيب نكدب يعني
لحد ما نعرف دماغ الي ادمنا فيها ايه
مهو الكدب والتمثيل سهل ع البنات
ههههههههههه والله احنا استازه في التمثيل
انا ممكن اتحدف بقالب طوب
عارفه عارفه
وجه نظر بناتي اوي
بس انا متغاظه اوي
البنت تعمل ايه عشان تعجب حضرتك
مهو ممكن نكدب وانتم هتخلونا نكدب
وهنعرف نكدب وهتصدقو
لوحد عرف اجابه يقلي
عشان اتعقدت
وشكلي هبطل اشرب قهو تاني

ملحوظه من قعر الحله

الحكايت ديه واقع وحصلت بجد
وللاسف اتحكتلي من وجه نظر الشاب بس
مسمعتش البنات وطبعا عشان انا بنت
ههههههههه كنت هاخد بقالب طوب في وشي
من الاخر هزقت جامد وي وقفت مع البنات

مين هيجي يقف جمبي ويعلن انتصار البنات

عشان من الاخر تاني بردو الرجاله بقو خنقه اخر حاجه
مش عارفين هما عاوزين ايه
البنات الغلابه المسكين الي موش بيعرفو يكدبه
خالص خالص خالص
ههههههههههههه
كدابه كدابه كدابه
ما علينا بقي يا رب اكون عرفت اوصل وجه نظري
ويارب اعرف القي اجابه يمكن تنفعني في يوم من الايام
شكرا لحسن استمعاكم
هههههههههههههههه
وحق القهو قبل الخروج
تحياتي
اتمني التوفيق







الثلاثاء، 2 مارس، 2010

هــــــو بغباوته ؟؟؟؟


الــــــــــــــــــــــــــــــــحب

انا بقي قلت هتكلم علي كل الي معصبني وغيظني وحارق دمي
دلوقتي بقي اكتر حاجه تعباني اوي من جوه هو الحب
احنا بنحب ايه ومين وليه وعشان ايه
ابويا عشان هو ابويا ولا عشان هو سبب وجودي في الدنيا ولا عشان بيعمل حجات تستاهل اني احبه
عمي خالي عمتي خلتي
الناس ديه ايه وجودها في الحب في حيتنا
امـــــــــــــــــــــى بحبها عشان هي الي تعبت وشالتني في بطنها شهور وايام وخلتني جمبها قلبها
وعشان بتعمل كل حاجه تستاهل اني احبها
المفروض احبها عشان بتعمل حجات تستاهل الحب ده ولا المفروض احبها كده وخلاص عشان هي فعلا تساهل كده
اخويا واختي
المفروض انا كده ابقي في الدنيا بحبهم
المفروض احبهم وخلاص عشان هما اخواتي من امي وابويا
ولا يمكن عشان اتربيت ولعبت وكبرت معاهم
يمكن عشان لو يوم وقعت هلاقي اخويا في ضهري يكون سنادي واماني وحمياتي
الصديق والصديقه
صحبي وصحبتي
لزم يبقي في شروط في الحب حدود في الكلام
لزم احبه صديقي عشان بيقدملي خدمات ولا بيقف جمبي
ولا احب صحبتي عشان طلعت جدعه معايه في اي حاجه
ولا يمكن بحبهم عشان لما بتخنق بجد مش بلاقي غيرهم يسمع
الناس دي كلها حبها حاجه وفي مكان لوحده وليه مكانه من الحب في القلب
لاكن بقي اكتر حبي غيظني ومش لقيه ليه وصف ولا حل ولا شرح ولا هو بيجي ليه
ولا عشان ايه ولا ايه السبب انه يجي وبيجي ازي وامته
حب الحبيب لحببيه الخطيب لخطيبته الزوج لزوجته
الناس ديه كلها عندها حب تاني خالص
مبني علي اي اساس
عشره وتفاهم وخلاص
حب وموده وامان
مش عارفه اجيب اساس للحب في اي حاجه
اي علاقه حب بيبن اي اتنين
معقده اوي عندي
حتي بيني وبين نفسي الحب معقد اه الحب بيجي فجاء
بس بردو احب اعرف جيه ليه واشمعنه جيه مع ده
ايه اساس الحب وايه اخر الحب
وازي بقي اعرف احب الي بحبه
ياتري في حجات معنيه لزم اعملها في حجات لزم اضحي بيها
هو هيعملي ايه في مقابل كده يضحي هو كمان بحجات
مش عارفه بس يمكن اعرف ويمكن معرفش
بس كل الي اعرفه ان الناس الي في حيتنا بنحبهم
بنحبهم زي ما هما حتي لو فيهم ايه بكل حجاتهم الكويسه والوحشه
حتي لو جرحونا او زعلونا او خصرونا لاي سبب
حتي لو صحيت من نومك لقيت اقرب حد ليك هو الي خانك وجرحك مهما عملت عشان تكرها مبتعرفش
بتفضل فاكر اكيد ليه حاجه كويسه وبتدور عليها
عشان احنا لما بنختار نحب بنحب بكل الالون مش نختار لو ن واحد ونسبت عليه
الحب مفهوش يا ابيض يا اسود الحب فيه كل حاجه
واحلي حاجه في الحب انك تعرف تسامح الي بتحبه
ومش شرط الي بتحبه يكون الحبيب
ممكن يكون الصديق الصديقه
الاخ الاخت
الخال العم الخاله
حتي لو جارك ولا جارتك
اي ناس في حياتك انته بتحس انك بتحبهم
نصيحه في الاخر بجد الي بيحب مش لزم يشوف حاجه وحشه في الي بيحبه
عارفه اني كلامي قلب علي رومنسيه اوي في الاخر بس بجد احلي حاجه في الدنيا انك تحب الناس
والي يعرف يحب الناس الي حواليه يعرف يحب اي حاجه
لسه في ناس تستاهل انها تتحب
وطول ما في قلب بيدق ودم بيجري في عروق يبقي لسه مفيش قلوب ماتت
هي وقفه بس عن العمل
الي عنده قلب واقف او يعرف حد قلبه واقف كل الحكايه اعادت تشغيل
اعمل رستارت للمشاعر الي جواك
مش لزم تحب حبيب
حب اي حد المهم انك تلاقي حد تحبه
هو اه الحب يعصب ويحرق الدم وينرفز اوي ي ي ي
بس بجد يستاهل اننا نجرب
تـــــــــــــحياتـــي


الخميس، 4 فبراير، 2010

ايـــــــــس كريم شيكولاته


يمكن العنوان ملوش علاقه خالص بل موضواع او يمكن هو مفيش موضواع اصلا بس انا رجعت من حالت التهيس والاسئله الي كانت خنقاني مش عشان الحاله خلصت لاء عشان دورت جويا واعدت افتش وابحث وادور علي اي حاجه وكل حاجه هو اي نعم معرفتش حجات كتير وبردو فضلت ادور ههههههههه طبعا لا يائس مع الحياه ولا حياه مع اليائس عشان كده فتحت ادراج وكشاكيل وكتب وصور لقيت اجبات ولقيت اسئله وليقت صح وليقت غلط بس في وسطه كل ده لقيت نفسي وعرفت جزاء من شخصتي كنت ناسيه انو لسه موجد الضحك مين فينا مش بيضحك كلنا بنضحك حتي لو علي حاجه بيخه اوي هي ديه الحاجه الي قلتي ايه ده انتي لسه عايشه طول منا بضحك يبقي انا موجده وطول منا موجده خلاص مش هبطل اضحك وطول معندي حاجه بتفرحني هفضل عايشه انا لقيت الي بيفرحني وبيسعدني وبيخلني استمر مفيش احلي من واحد ايس كريم شيكولاته بيتي بقي ولا كرنفلياتا من السوبر ما ركت ولا حتي واحد ايس كريم من عزه في بحري المهم اني اجيبوه كده هفرح عرفت اني بحب اكتب واكتشفت اني بكتب من زمان بس نسيت كده عرفت اني بحب اتكلم واسمع مشاكل الناس وعندي بحب حكمه الي يشوف بلاوي الناس تهون عليه بلوته والحمد لله بيقوله بسمع كويس هههههههههه مع اني في عالم التدوين رغايه اوي وبفضل اتكلم من غير ما افصل ودي بردوه حاجه كويسه ليا مش ليكم انتم هههههههههههههههههه عشان هيجي ليكم صوداع مليش دعوه بس الاسبرين ع الباب اهم بقي ما في كلامي ان انا اتشرفت فعلا بمعرف كلمات ومواضيع وبوستات كل واحد وي وحده سبولي تعليق وحسسوني اني لسه عايشه وليا كلام ناس بتشوفه من ضمن الحجات الي بتفرحني اني اقول حاجه حتي لو مش مكتوبه حلو او فيها حروف طيره او كلمتها مش مشيا مع بعضها والقي رائ جميل بيشجعني اني استمر شـــــــــــــــــــــــــــــكرا بجد ليكم يا احلي عالم عن طريق نت انضميت ليه





ملحوظه من ملحظي الي من قعر الحله

انا هنزل بوستات بتتكلم اي حاجه وكل حاجه هدخل في اي موضواع معصبني هتكلم في اي مشكله خنقتني هحكي موقف في الشارع حرق دمي هحكي مشكله ام محمد بتاعت الخضار من الاخر هجيب اي حاجه مستخبيه تكسف مش تكسف تودي في دهيا او مش تودي بس انا خلاص عرفت انا عملت المدونه ديه ليه عملتها عشان اتكلم وادني بتكلم واحلي حاجه اني بلاقي الي بيسمعني ويارب يارب الي يجي ليه صوداع يا خود اسبرين مع كبايه شاي في الخمسينه او علي ميه بيضا مش علي حسابي طبعا بش عشان تدخلو تاني هههههههههههههههههههههههه يعني من الاخر ردو في صوداع مفيش صوداع حد هيدخل ويشوف كلامي اه صح نسيت انا حطيت صوره ايس كريم شيكولاته اوعه اوعه حد يا خود حته هههههههههههههههههههههه بخل بقي الي عاوز يتفضل دي بي 3,50 بس ههههههههههههه يعني كلو وسيبو الحساب في الدرج هههههههههههههههههههههههههه ضحكت كتير في البوست ده بس يمكن عشان اسهل حاجه اننا نضحك الضحك بيشل الهم وبيخرج الكبت وبيضع اي حاجه كفايه رغي بقي وتحياتي ليكم ويارب الايس كريم يعجبك

السبت، 2 يناير، 2010

حجات كده وخلاص

البوست ده مش مقلب حراميه
ولا وباء جيه ع البلد جديد
دي حاجه جيت مني كده وخلاص
الي فاضي يكمل مشغولين
عدو في وقت تاني
مشغولين اوي معلشي حظي كده
تحياتي










لغبطه
تهيس
جنان
معرفشي
المهم انا مش عارفه هكتب ايه
سنه خلصت
وسنه جديده جيت
مش عارفه اكتب ايه ولا اقول ايه
انا علي طول كده حروفي ضيعه
عندي كلام مخنوق جويه
اسئله بتحيرني
ملهاش اجبات
السنه الي فاتت حاجت كتير اتغيرت فيه بسببها
السنه ديه هلاقي نفسي بجد
ولا هتفضل ضيعه مني
اسئلي محيراني
ليه الناس بقت كده
ليه لما بنلاقي حاجه حلوه في حيتنا بتضيع من ادينا
ليه لما بنقرب من حد اوي بيبعد عنا
ليه اقرب نا س ليناهما سبب جرحنا
ليه مبقاش في فرحه بتدوم
ليه مفيش حد بيصبر علي حد

ليه لما تلاقي حد تحبو اوي وتخلص ليه اوي
هو اكتر واحد يبعد عنك وانته محتاج ليه
ليه مبقاش حد يستحمل ظروف حد
بنسيبه للظروف
الي محدش بيستحملها
اتحكا ليه حكايه عن بنت حبت واتحبت
وعاشت اجمل قصه حب
غيرت فيها حجات كتير
وغيرت في الي بتحلو حجات اكتر
البنت ديه صحيت في يوم لقت نفسها هترتبط بحد مبتحبوش ومتعرفوش
ويمكن شكلو مش واضح في خيلها
اهلها حكمو عليها الحكم ده
راحت تقول لحبيبها
يمكن يكون عنده حل ليها
عشان هي مش وحشه
ولا خيانه
راحت وقالت ليه
بكل بساطه يقول ليها
ربنا يسعدك
بتحكي ليه وضحكت ضحكه حزينه
بتقلي شفتي
بعد ما اتغيرت عشانو
وبقي كل حاجه في حياتي
قلي روحي عيشي حياتك
بكت وقلتلي
ليه الدنيا كده
ليه لما بنحب حد اوي وبنتغير عشانو بيبعد
ليه كله بينسه
ليه كل حاجه حلوه بتضيع من ادينا
كا العاده صبرتها بكلمتين
وقلت ليها معلشي
ال يعني كلمت معلش هتخرجها من الي هي فيه
بس للاسف
ولا مليون معلش هتقدر تداوي صدمتها في حبيب عمرها زي ما هي بتقول
انا مش عارفه حكيت الحكايه ديه ليه
ولا ايه دخلها اصلا
بس يمكن عشان انا كنت شيفه امل في الحب ده
وهما الاتنين كانو عطين ليه امل ان الرومنسيه لسه عايشه
يمكن دي زكري سعيده وحزينه في نفس الوقت من 2009
يمكن عشان انا بدور علي حجات
واجبات اسئله
كل لما القي اجابه
تضيع جوه سؤال
من سؤال لسؤال
ومن اجابه ضيعه لاجابه ضيعه
وكل اجابه تجبلي سؤال
بس حكايتها بقي جبتلي اسئله كتير
حيرتني اكتر
هو ليه اتخلي عنها بسرعه
هو ليه موقفش جمبها
هو ليه مطنهاش وخد باديها وقلها انا هفضل معاكي
طيب يمكن هو صح
يمكن عشان هي بقت لحد غيرو هو قرر ينسحب
ويسبها تعيش حيتها
بس هي حيتها من غيرو كانت ضلمه
معرفشي
الاسئله بتزيد
والاجابات بتجيب اسئله اكتر
بجد احتارت
بس بتمني من قلبي ليها تكون 2010 احلي كتير من السنه الي قبليها
وانها تلاقي نفسها بجد
اما انا هفضل اقول خليني عايشه علي بلاوي وهموم الناس يمكن تهون عليه بلوتي
ويارب تكون 2010 سنه سعيده علي كل الناس
والي عندو حلم يعرف يحقوقو
والي عنو حلم يعرف يحقوقو
اه في حته كده زي فلاش باك
عوده او مش عوده
مش عارفه
بس لزم اقلها
عشان انا هقول ليها اني كتبت قصتها
وهخليها تتدخل تشوفها
وتشوف رايكم كمان
عشان يمكن انا رائ ليها مش صح
هي سابت الشخص الي اتقرت فتحتها عليه
وي وقفت قصاد اهلها
بس مش عشان هي لسه عاوزه ترجع للي بتحبو
هي وضحت السبب وقالت
هما عملوني زي اي قطعه اثاث في البيت
حاجه تتباع وتشتري
قالت لاهلها انا مش رخيصه وعمري ما كنت رخيصه
وفعلا سابت الشخص ده
وانا قلت مش عارفه انتي صح ولا غلط
بس الي شيفها صح اعمليه
والي ربنا كتبو ليكي هيحصل
انا تقربيا بقول ليها الكلمه ديه علي طول
الي ربنا عاوزه هيكون
قلتي
ونعمه بالله
انا خلاص مش ناويه احب تاني خالص
وهفضل كده
وراحت ضحت ضحكه مش عارفه سخريه
ولا حزن
بس قلت ليها
حبيبتي انتي تستهلي كل خير
ربنا يكرمك ويسعدك
وكفايه تهيس علي هرتاله مني
بس اني باين ملغبطه اكتر من اي حد
بس مكنتش لقيه حاجه اكتبها ولا اقلها
وقصه صحبتني بكل الاسلئه الي جوه حيرتني اكتر
مش عارفه
اسئله اسئله
مش عارفه حاجه خالص
تحياتي