صمتي ليس جهلا بما حولي ولا كن ما حولي لا يستحق الكلام

مش مهم العدد المهم ان ليا صوت

الاثنين، 28 ديسمبر، 2009

امسك حرامي


ياتري في حاجه تستحق انها تيجي علي كرامه انسان او يتهان ويضرب
والناس تتفرج عليه وكله ما يصدق يجامل ويضرب
كل ده عشان واحد غلط ومد اديه وسرق

محدش يعرف سرق ليه ولا ليه مد ايدو علي حرام ليه
ولا هو معاه حق انو سرق ولا المفروض نحكمو ونقول الحرمي ملوش ديه
يعني واحد يسرق نقتلو وعادي بقي مش مهم ده حرامي
كل ده عشان سرق
طيب سرق ليه
مش اكيد في سبب
محدش كلف خاطرو وسئلو
مع ان في ناس كتير بتسرق
واحنا بنضرب ليهم تعظيم سلام

مهي البلد مليانه حراميه
ولمواخده يعني حراميه اصلي ملينين وتخان كده ومربربين يعني حرميه جمدين
بس دول بقي شكلهم فوق كل حاجه فوق اي بني ادام
يدوسه ويسرقو يكسرو اقفل بس طبعا مش بيسرقو خمسين جنيه بيسرقونا

الي يحاكم الحرامي الي سرق خمسين جنيه
وسايب الي اخد كام مليار وطار علي سويسرا ولا جوز البتنجان ولامعرفش اسمه ايه
اهي حته كده بيتصرف فيها فلوسنا علي كل حاجه غلط وحرام
واحنا نبص علي الي بيسرق خمسين جنيه
والله فينا الخير
ليه بنحاكم الي مش بيتحاكم ليه بنحاسب الي مش بيتحاسب
ليه علي طول ببنبوص علي الحرامي الصغير ونطلع عينو مع انو كتير من الوقت بيكون معاه حق
لاكن بقي الي معاهم الملاين دول بيسرقو ليه
ويجو علينا ليه
عشان بنسكت
ولا عشان هما فواق القانون
ولا عشان القانون اصلا معاهم وفي جيبهم
ولا عشان البلد ديه مفهاش حكومه غير علي الغلابه
الي يدوب معاهم حق رغيف العيش علي متفرج
اه احنا بنحب البلد ديه وبنعشق تربها كمان
بس بردو مش تيجي علينا اوي كده
الناس كلها مشيه تسرق في بعضها كله بيسرق كله
مفيش حد بيامن لحد كل شغال سرقه في بعض
حتي الحرميه الصغيرن بيسرقو في بعض
والكبار بيسرقو في بعض
والناس سكته ومش عارفه تعمل ايه
فا الناس بقي ما بتصدق تقفش في رقبه اي حرامي
وطلع عليه القديم والجديد
تفتحلو محضر وتعمل ليه محكمه ونيابه كمان
بس نفسي مره القي محامي يدافع
ويشوف السبب ايه الي خلها يعمل كده
انا مش بقول معها حق بس بردو ناخود بل اسباب
ولا ايه يعني الي بيخدو مليارات معهم حق يعملو كده
ويخدو القروض من البنوك ويخلعو
وقشطه اوي كده سلامات يا حكومه بقي الي يعرف يجبنا يجبنا
الشعب يولع والكبار يعيشوه
واحنا نولع في الحرامي بتاع لخمسين جنيه
وسيبن الكيبر
الناس الجمده دهيت الي بتسرق عشان تعمر الصحرا
وتبني شقق لشباب مهو بردو الشباب من حقو يكون عايش وليه شقه بقي ويتجواز
وتعمل مشاريع سكنيه
الي بقسط يومي رخيص جدا يدوب 2000 جنيه في اليوم
حتي اخر مشروع اعلناتو مغرقه التي في
ملتو كابينه ديه ولا معرفشي ايه
مجمع سكني كامل هتلاقي القهوه تحت البيت وبتاع العيش فارش ع الرصيف وبتاع الخضار وره البيت
يعني عيش احلي ما في الحظه
هتلاقي ملاعب للكوره
واهم حاجه المسحات الخضره
عشان تلعب جولف برحتك
اصل المصرين من عشاق الجولف
مش عارفه ليه يعني بيعرفو يلعبو اوي

يلا بقي مهو مهما قلت هيفضل القول ضايع والكلام مفيش منو فايده
وهيفضل الحال هو الحال
ومش انا الي هعدل حال الدنيا وهغير فيه
بس يمكن اعرف اعمل فرق حتي لو لنفسي
او اي حد هيشوف كلامي
ومن الاخر بردو ده كلام من وجه نظري يعني مش بفرضها علي حد
بقول الي انا عاوزه اقوله والي انا حسه بيه
والله بحب البلد ديه بس عيزه حلها يكون غير الحال
خلاص الكلام وسلام
ملحوظه من قعر الحله

الحرامي ده كان بيسرق محل صغير كده
الكلام ده حصل من ايام قليله بجد
ومكنش في في الدرج غير 50 جنيه
المهم الحرامي الغلابان
اخد العلقه التمام
وفي الاخر صاحب المحل عطي ليه ال 50 جنيه
والله الشعب ده طيب بجد
يضرب ويصالح

الجمعة، 25 ديسمبر، 2009

ماءءءءءءءءء


حاجه غيظني ومعصبني ومنرفزني اوي
يعني هي البلد نقصه
انا مش عارفه المدونه ديه بجد انا عامله ليه
الحمد لله ولا حسد ولا قر يعني
لقيت بسم الله مشاء الله شويت ناس زي السكر
سيبن كومنت
خمسه خمسه
(ضحكه ضحكه ضحكه عريضه اوي)
محدش يحسدني بئي يوه
في ناس جيت اهي
كويس كويس
(تصفيق تصفيق)
ليه مش للي جوم
ما علينا بقي عشان بموت في الرغي
الموضواع ده وانا بقلب كدهو لقيتو
شفوه ولوحد جيه وشافو
يسبلي رائيو
عشان الحسد يعني والذي منو
(ضحكه خبيثه شويه)
صوره معزه واسم الموضواع ماء اكيد انا شاربه حاجه
هي اكيد كوبايه الشاي الي بعد الفطار انا عارفه انا عارفه ماما حظرتني بس انا مش بسمع الكلام
عماله ارغي ارغي يو قولو ليه اخلصي يابت وهاتي البتاع الي غيظك ده
اقول يوه حاضر حاضر من غير زق

هيا بينا الي الماء مائه
قصدي الموضواع يعني
ماءءءءءءءءءءء
ماءءءءءءءءءء
ماءءءءءءءءءءءء
ماءءءءءءءءءءءءء
ال يعني خلصنا من الخنزير
وخلصنا من الطيور
طلعلنا في المعيز
زغرتي يا انشراح ده الي راح راح
هههههههههههههههههههههه
هنعمل ايه يا لهوتي
بجد بجد
معيز كمان
لاء بجد مش معقول
هي ظهرت في هولندا
الي هي معرفشي انا هي فين
بس ما علينا معيزي كمان
يعني هنمشي نماء ماء ماء
ناقص العلاج يبقي برسيم
المهم اننا هنقول ماءءء
يا حلاوه يا ولاد يا حلاوه
هما عمالين يخترعو حجات لينا
ياتري بيشغلو بلنا بايه
يمكن الانتخبات الجايه
في جدي مترشح ولا حاجه عاوزين يطيروه
انا مش بتكلم في السياسه عشان مليش فيها
بس في حجات جديده بيخترعوها غريبه
يعني كان خلاص وباء الخنزير انتهي لما جابو لينا
ماء ماء ماء قصدي معيزي يعني
طيب هو ده نوع من التغطيه الجديده
بيشغلو رسنا بي حجات عشان مش نفكر ايه هيحصل 2010 وي هيحصل 2011
يمكن هو ده النظام الجديد
واحنا الي علينا نقول ماء
ههههه قصدي حاضر يعني
شكلي اتعديت ماء ماء ماء
اه يا مائي يايني
والله مائي وجعاني خالص
قصدي راسي يعني
يو اتعديت بايني ع السيره
المهم في الانتخبات الجايه
هنعمل ايه
انا عن نفسي هطبخ كوسه
الي عاوز يا كول كلكم معزومين
بس يارت بقي اي حد يشوف المواضع
يخاف من العدوه
واعمل حسابكم البرسيم غالي
امانه امانه امانه عليكم
هههههههههههه حزمتين برسيم وانتم خرجين
سلام بقي وقول ليه الكلام ده جد جد ولا اشتغلات
عشان عندي معزتين لو كان كده اروح ابيعهم
لحسن ابتديت اماء ماء ماء
ومااااااااااااء ليكم جميعا
سلام قصدي

الأربعاء، 23 ديسمبر، 2009

مش كل المظاهر صح


من مدونه شاب فقري
موضواع جد مش هزار
وحصل لناس كتير فعلا
ويارب يسترها علينا
من الكدب والغش والخداع
انا بحيك علي الموضواع
وكل تحياتي واحترامي للفتاه بطلت الموضواع
الموضوع بإختصار

- إن فى شاب

- بيكتب فى مدونة

- يعرف أكتر من بنت

- على علاقة بيهم كلهم فى نفس الوقت

- علاقة حب وإرتباط

- بيحلم معاهم وبيوهمهم بكدا

- الله أعلم الغرض إيه
لكنه بيوهمهم

الشخصيات اللى هوا مرتبط بيها

نقدر نقول إنها علامات بالنسبة لى فى عالم التدوين

ناس محترمة جدا

ومش غلطانين غير فى حاجة واحدة

إنهم سمحوا لحد يقرب منهم ومش يعرفوا عنه أى حاجة

وسمحوا له يلعب بيهم وكأنهم بنات مش متعلمات من الأرياف بل من قاع الأرياف

يا ترى فين العقل ؟؟؟

فين التفكير الحكيم ؟؟؟

لكن ياعينى المأسوف على أمره الشاب الحليوة

وقع من بنوتة هى اللى دخلته عالم التدوين

والبنت دى كانت ذكية

من الشخصيات اللى أنا بحترمها وبقدرها

ببساطة بتعرف تاخد حذرها كويس

هى قربت منه وحبته ودا معروف وهى بتقول كدا

لكن لما بقى بيغير شخصيته لأنه حس إنها ممكن تتكلم عنه

كانت هى بتتحبط وبتتصدم فيه أكتر

بتقرا محادثات المسنجر اللى بينها وبينه

وبتسمع مكالمات التليفون اللى بينها وبينه

اللى كان بيجرى وراها وبيتحايل عليها

فجأة بقى حد تانى

هنا بقى يطلع كام سؤال :

- كانت بتسجل المحادثات ليه ؟؟؟

سجلتها لأنه بتحبه أوووووى ولأنها عايزة تحتفظ بكل كلمة قالها لها جوا قلبها

- كانت بتسجل المكالمات ليه ؟؟؟

أكيد عشان لما تبقى حزينة تلاقى صوت بيقولها بحبك وعايز أكمل عمرى معاكى

وبعدين الشاب الحليوة إنفصل عنها لأنه مرتبط بتلاتة أو أربعة غيرها

يعنى الموضوع بالنسبة له مجرد لعبه

ياريت البنات تصدق الحقايق

وتتفهمها

ومش تقول إنى بقول فضايح أو مهتم بالقيل والقال

أنا مهتم بالناس

بحاول أوضح حقيقة وأفوق الناس كلها للحقيقة المرة

إن فى ناس بتكتب معانا

بس ناس من الآخر بتوع شات

بيألفوا كلام مش حقيقة

وبينقلوا وبينسبوا لنفسهم

بل وكمان بيلعبوا بمشاعر بنات الناس

المهم إن أنا بوجه نداء .......

لكل مدونين الأرض

خذوا حذركم مش أى حد يدخل حياتكم ولا أى حد يقرب منكم

يعنى لما واحدة تيجى تقولك إنتى مرتبطة بفلان

قولى لها الحقيقة وإعترفى بيها

مش تحاولى تتهربى وتوهمى نفسك إنك على حق وتكدبيها

لأن كل البنات دول

عملوا نفس الموقف

قاطعوا البنت اللى حاولت تفوقهم

بل والشاب دا دخل شتمها وقالها

(( أنا هوريكى يا ساقطة ))

هل جزاء إنها وثقت فيك وحبتك إنك تقول ساقطة ؟

هل هوا دا جزاء التقدير ؟؟؟؟

الموضوع ملوش حل

غير إننا نفوق

ونقدر نحترم الطرف اللى بييجى يحكى لنا

ونحاول نسمع ونشوف اللى عنده

يعنى لو البنت دى إدتنى التسجيلات الصوتيه والمحادثات دى وأنا نشرتها

هل ساعتها هتصدقوا ؟؟؟؟

هل ساعتها الناس دى هتفوق من الوهم وتحتقر البنى آدم دا ؟؟؟؟

قولوا بسم الله

وإقفلوا صفحة وإفتحوا صفحة جديدة

حاولوا تفهموا الحقيقة

فوقوووووووووووووووووووووووووووااااااااااااااااااااااااا


وفى النهاية أوجه كلمات كدا للناس اللى حواليه واللى بتقرى البوست


-الشاب المعجزة بطل القصة

حط فى دماغك إنك حقير

- البنات اللى فى القصة

فوقوا وفكروا ألف مرة قبل ما تحكموا عاللى قريتوه أو عن بطلة القصة

- المدونين

إنشروا الموضوع

عايز أنشر الموضوع

اللى يساعدنى ويساندنى

مش هكون غير شاكر ليه

وفى النهاية برده هقول :

أنا مش أحسن من حد وكل إبن أدم خطاء وأنا بكتب دا لتنوير الناس بس

ويمكن بعدها أبطل تدوين

أنا مؤمن بوجود علاقات ناجحة من الإنترنت

أنا شفت ناس كتير عايشين سعدا ومبسوطين ومتجوزين والحالة تمام

ناس أعرفهم شخصيا

كله بتوفيق من ربنا

فى ناس قابلت شريك حياتها فى القسم

ويمكن فى الميكروباص

ويمكن فى جوازة صالونات ملهاش معنى بقى لها معنى بعدين

الحمد لله

لا بخاف من حد ولا حاجة ولا على راسى بطحة أحسس عليها

وعمرى ما كنت بدون غير لنفسى وبس

لا كتبت لحد ولا فكرت أكتب لحد غير الفترة الأخيرة كتبت لشخصية موجودة فى الواقع عندى وفى الحقيقة وفى عالمى فعلا


هذا والله وحده أعلى وأعلم



خالص التحية والإحترام والتقدير

شاب فقرى

الموضواع ده مش تاليفي
بس عجبني بجد
عشان حصل وبيحصل
واكيد هيحصل مع ناس كتير
يارب كلنا ناخود بلنا
وتحياتي لصاحب الموضواع
شاب فقري

الخميس، 17 ديسمبر، 2009

حجات طلعت مني فجاء


انا معرفش عملتها ليه بس لقيت نفسي عاوزه اتكلم وخلاص عاوزه اكتب اي حاجه واطلع حجات كتير جويه سعات مش بلاقي حد يسمعني واكيد مش هلاقي الي يفهمني عجبني موضواع التدوين قلت ادخل واجازف مهي الدنيا كده تجارب اجرب حاجه جديده في النت بدل الرغي طول الوقت علي ميل ولا شات ولا جروب زعلان من كل حاجه علي الفيس هنا بقي هرغي مع نفسي اكلم فيها وتكلم فيه واكتب حتي من غير ما ابقي محضره كلام اخلي ايدي تزل علي الكي بورد من غير ما احركها كان نفسي اقول زي زمان قلمي هيكتب الي حسه بس القلم اتكسر وبقي لوحه ادامي سعات كتير بحس اني مش بكتب وسعات بقول قلمي وحشني اوي وعاوزه اعد افتح اي كراس واشغبط بس ايدي خلاص مش وخده علي مسكت القلم حجات كتير ملغبطه جويه في الحظه ديه انا بكتب وبتكلم ومش عارفه انا قلت ايه بس
بس كل الي انا عارفه اني عاوزه اتكلم
مش عارفه الدنيا وحشه ولا انا الي حظي وحش
مش عارفه انا صح ولا غلط
انا ملاك ولا شيطان
انا ايه في وسط الدنيا ديه
بفكر وبحسبها صح
ولا مش فارق عندي حاجه
بخاف علي الي بحبهم ولا هما مش فارقين عندي
ياتري انا فارقه عندهم ولا هما انا بنسبه ليهم ولا حاجه
حجات كتير ملغبطاني
ويمكن ده بوست عجيب اوي في بديه مدونه
بس انا مش عملها عشان القي تعليات كتير
ولا ناس بتمدح ولا حتي بتشتم
انا عملتها
والله ما عارفه بجد انا عملتها ليه
بس الي انا عارفه اني عملتها عشان اتكلم
ولو حد دخل وشاف كلامي وحابب يقلي اي نصيحه تفدني لو مكتئبه سعات
او يهنيني علي حاجه انا سعيده فيها سعات
او مجنونه يدخل يقلي انتي مجنونه
انا طولت كتير ورغيت كيتر
هقول بقي ده اخر كلام
عشان هقوم انام يمكن
؟؟؟؟؟؟؟؟؟