صمتي ليس جهلا بما حولي ولا كن ما حولي لا يستحق الكلام

مش مهم العدد المهم ان ليا صوت

الخميس، 24 فبراير 2011

افكار وكلام من صوت الشارع


بسم الله الرحمن الرحيم
نظره للخلف
وضع الشعب المصري قبل يوم 25
بطاله فقر عشوئيات اطفال شوارع تشرد جهل بلطجه
وكتير وكتير من التسميات دي
قامت الثوره جبنا حكومه جديده قلنا مش كفايه
شيلنا الرئيس وساب البلد
لاء بردو مش كفايه
حلينا مجلس الشعب والشوره
مش كفايه
طيب دلوقتي الجيش المسؤال الاول والاخير عن امن واستقرار مصر داخلي وخارجي
هل بذالك
الوضع مستقر
الامن مسيطر
مصر اتغيرت خلاص
الي هيقول كده يبقي اعمي ولا شايف ولا فاهم اي حاجه
مش معني كده اني فاهمه
بس مصر متغيرش فيها اي حاجه
ودي مشكلتنا احنا المصرين مش مشكله الحكومه ولا اتبعها
دلوقتي كل واحد فينا ليه رائ
ليه صوت يقدر يتكلم بيه ويدافع عن حقه
سؤال لكل مواطن مصري وكل شاب مصري وكل فتاه مصريه ولكل فئات الشعب؟؟
ايه دورك في الانتخبات القادمه
هتنزل تعمل بطاقه انتخبيه امته وهترشح مين
مجلس الشعب الي هو المفروض بيمثل صوت المصرين
ناوي تدي صوتك لمين
مع العلم بان خلاص مفيش ورقه بميه نصه قبل ما تدي صوتك ونصه بعد ما تدي صوتك
خلاص المفروض احنا اتغيرنا
ولا ايه
هسئل تاني تغير الحكومه كفايه ولا الشعب كمان لازم يتغير
ان الله لا يغير ما بقوم حتي يغيرو ما بانفسهم
يا مصرين مبقاش فيها احزاب
خلصت مسئله الاحزاب الكبيره المسيطره
دلوقتي جيه وقت الشعب
مين مرشح نفسه في ديرتك شيفه فعلا يستاهل صوتك من غير محسبويه ولا كوسه ولا فلوس مدفوعه
اختار لبلدك الافضل اختار للحي بتاعك الافضل
مش اي حد يوعد بكلام ويقلك هعمل وهعمل وهعمل
وبعد الانتخبات ولا نشوف وشه غير في الدوره الانتخبيه الي بعدها
عاوزين مصر افضل
عاوزين بكره احسن
عاوزين نعيش في حريه وديمقرطيه
اوعه تفرط في صوتك اوعه تبيعه
دور الشباب الواعي فهم صحبك وجارك وخالك وعمك وابوك وامك
واي حد تعرفه ميعرفش ايه حقه وايه واجب صوته
واديه لناس تستاهل
هتقوله هنعرف منين مين يستاهل ومين ولا يستاهل
انا عن نفسي معرفش اوي
بس انا هدي صوتي للانسان المتواضع الي مش رايح يصرف الفات علي دعايه انتخابيه
وكان في ايده يساعد الاف الناس المحتاجه
مش هروح ادي صوتي لوحد راكب عربيه بنص مليون جنيه
وافتكر انه ده في يوم هيحس بناس الي مترمطه في قلب اتوبيس
مروحش ادي صوتي لواحد اول مره اسمع عنه واقول هو ده الي هجيب من الاخر
لاء انا هدي صوتي لوحد او لوحده لان مجلس العشب فيه الاتنين
هرشح حد شكله مصري صوته مصري كلامه مصري
حس وداق وشاف البهدله في البلد دي
داق الزل والزحمه والعيشه الي تحت التراب
ادي صوتك للي يستحق
لان دي الخطوه الاوله من صوتك
والجاي اصعب
احنا الفتره الجايه دخلين علي اكبر مرحله انتقاليه في تاريخ مصر حدث لم يحدث منذ 30 عام
انتخاب رئيس للجمهريه بصوت الشعب
ياتري هننتخب مين
بما ان تلات تربع الشعب المصري مكنش ليه اي علاقه بعالم السياسه
وده قبل يوم 25
بعد يوم 25 الشعب المصري كله اصبح ضليع بلغه السياسه وبقي كل المصرين عنده خلفيه سياسيه عريقه
وكل مواطن وضع اجندته الخاصه
علي كده بقي واسمحولي اكون رخمه شويا في الكلام الجاي
بعد تعديل الدستور هيبقي من حق ناس كتير ترشح نفسها
ياتري بقي هتبقي كوسه
ولا سلاطه
كل الي ليه والي ملوش بيقلك هرشح نفسي للانتخبات
وبما ان كل مجموعه من الناس ليها المرشح الخاص
ممكن يجي 1000 رئيس ينتخب ويحصل علي تعادل اصوات
ولا المكسب بلي يلحق والي يعرف ناس اكتر
هو اه مفيش احزاب بس في جمعات
طيب ياتري الجمعات دي ايه دوله في لعبه الانتخبات
بعضهم قال احنا لا نطمح في كرسي الرئاسه
والبعض الاخر قال كفايه علينا عدد لا بئس بيه من كراسي البرلمان
طيب في وسط دول ووسط دول
ياتري كام مواطن مصري تايه
مش عارف هو هيبقي لمين وتبع مين وعاوز ينتخب مين
مين الافضل ومين الاصلح ومين الي المصرين كله هتوحد صففها ليه
ومين الي هيكون الرئيس القادم لجمهريه مصر العربيه
ده الي هنتابعه مع بعض في الاخبار القادمه
صوره وحورات ومقبلات مع مرشحين الرئاسه
وحملات استطلاع الرئ وجمع الاصوات
لمعرفه من هو الافضل
من اجل وطن افضل

هناك 7 تعليقات:

غير معرف يقول...

أختي الفاضلة
فسادالنظام تغير ، لكن فسادالمواطن لم يتغير ، مشوار بسيط لفرن العيش و تكتشفي أن بكلامي شئ من الصحة . أما الانتخابات ، فالناخب المصري ينتخب على ثلاثة أسس: ا- المصلحة من وراء المرشح
2- العصبية للمرشح سواء لقرابة أو بلديات أو عصبية تيار أو جماعة
3- الفلوس
هل ستتغير ثقافة الانتخاب هذه ، أعتقد اختفاء 3 و بقاء 1 و 2

Emtiaz Zourob يقول...

التغيير طال رأس النظام المصري ، لكن هل التغيير وصل لنفسية الشعب نفسه ؟؟ يعني السلطة تغيرت لكن اثارها مازالت مستمرة ، محتاجين وقت طويل لتغيير كل شيء وحتى كمان نحس بالتغيير في داخلنا ،، والمشوار لسه في اوله .
ربنا يحفظ مصر ويديم عليكم الحرية والكرامة يارب ويارب يولي الصالح يارب لحكم مصر الحبيبة .

momken يقول...

اعتقد اننا نحتاج ثوره على انفسنا على عاداتنا القديمه على مبادىء يجب ان تتغير على افكار يجب ان نتنهى كمان انتهى النظام البائن

يجب ان يشن كلا منا ثوره على الجزىء الفاسد والسىء فيه

تحياتى

غير معرف يقول...

ثقافة الهزيمة .. عصابة البقرة الضاحكة 4


قال المهندس عبدالحكيم عبدالناصر عقب جولته بقرى الأصلاح الزراعى فى إيتاى البارود : «للأسف الذين قاموا بالثورة لم يحكموا، والثورة لازم تكمل حتى لا يورث الأغنياء الغنى، والفقراء الفقر».

وأوضح أن عائدات قناة السويس منذ تأميمها بلغت نحو 73 مليار دولار، منها مليار واحد فى عهد عبدالناصر أقام به مشروع السد العالى، وكان يجب بناء 10 مشروعات مثله على الأقل، وقال: «لكن كلنا عارفين الفلوس راحت فين، وعارفين أننا بلد غنى يراد له الفقر». ...باقى المقال ضمن مجموعة مقالات ثقافة الهزيمة ( بقلم غريب المنسى ) بالرابط التالى

www.ouregypt.us

Tamer Moghazy يقول...

missing you :)

momken يقول...

....

انتى فين من زمان

لعله خير

تحياتى

Unknown يقول...


thank you

سعودي اوتو