عجبتني الصوره وعجبتني الجمله الي عليهاما ينفعش نطفي الامل من حياتنا حتي لو كان ضوء بسيط وصغير ومختفي لابعد الحدود
لازم ندور عليه ومنفقدش الامل حتي لو كل الناس بعدت وخانت وباعت حتي لو خصرنا كل حاجه
الهورب مش حل والخوف مش حل والضعف مش حل حتي الموجه طلعت مش حل
انا مش لقيه حل مناسب غير اني افضل موجوده وبتنفس مسبش الامل يختفي حتي من حقي في الحياه
اختفيت كتير ب ارداتي وظروف جت غصب عني خلتني اختفيت اكتر بس بجد نفسي ارجع لنفسي تاني
وحشتني المدونه وي وحشني كل الناس الي هنا وي وحشني التعليق علي كل كلمه ليهم وحشني الكلام اوي
علي فكره كمان طلع السكوت مش حل
بس ياتري الكلام هيبقي حل مش عارفه
بس هاجي واتكلم واعرف ويمكن القي حد معايه يعرف
يلا عشان ما اطولش وارغي كتير
تحياتي
اتمني التوفيق
والصحه
والسعاده
والامل
لكل الناس
هناك 14 تعليقًا:
ألف حمدا لله ع السلامة نورتي البلوجر :-)
ربنا يصلح لك الأحوال إن شاء الله
P A S H A
الله يسلمك منوره بيك بجد
يارب يصلح احوالي واحوال الناس جميعا
بعد السلام والتحية .
اما بعد
من رئيس الجمهورية
حمد الله علي السلامة
وبالتوفيق
والحل نسبي .. يعني فيه ناس بتحب تسمع وناس بتحب تتكلم و ناس لا مش بتحب حاجة خالص .. كل واحد بيدور علي الحل من وجهة نظره
انا من الناس اللي بتحب تتكلم عشان تعبر علي اللي حوليها .
MR.PRESIDENT
الله يسلمك
هو فعلا الحل نسبي
والكلام حلو واتمني تلاقي ديما الي بيحب يسمع
تحياتي اتمني التوفيق
على فكرة فعلا عمر السكوت ما كان حل
بس انا عاوزاقولك حاجة
الكلمتين الل انتى كتبتيهم دول فعلا اسرو فياومش مجملة
ربنا يوفقك ويوصلك لكل ما تتمنيه
قولى امين
الحــ ــزين
امين يارب
طيب يارب الكلام بقي يطلع هو الحل
ويارب يوفقني ويوفق كل الناس الي يمكن تكون شبهي
تحياتي اتمني التوفيق
السلام عليكم
لوست لف
تحياتى
وحشتينى ووحشتنى تعليقاتك
اهلا بعودتك مره تانيه
هذه الايام كل الناس زهقانه من المدونات والتدوين لكن بنقدر على نفسنا عشان نطل عليها مره حتى لو كل اسبوع
فيه مثل فلاحى بيقول .. طولة العمر تبلغ الامل .. خلينا عندنا امل .. بس للاسف .. هو امل باهت خافت قد يكون مش موجود
كيلو الطماطم بـ 9 جنيه .. والفاصوليا بقت اغلى من التفاح .. والفلفل بـ 7 جنيه .. هو فيه امل تانى
تحياتى وبرضه عندى امل .. بس فى ايه .. مش عارف .. كل اللى عارفه انى عندى امل فى الله سبحانه وتعالى
على فكره البوست فى فشكول مش بشكله لكن ورا الكلام كلام
تقريبا اليومين دول الرجاله ما بقوش رجاله ولا حتى بقوا ستات .. بقوا جنس تالت ما لوش لا طعم ولا ريحه ..
استاذ فشكووول
نورتني بجد والله وانت كمان وحشتني وي وحشني التدوين والتعليق وي وحشني كل حاجه وكل الكلام
وبردو الامل هيفضل موجد من غيره نموت اسهل
وبنسبه للاسعار الناس اتعقدت وتعبت وبردو مستحمله
وبنسبه لموضع الرجاله والله ما عارفه اقول ايه
بس السوق بقي بايظ والعينه مضروبه
بس ربنا يظهر الصالح الي جواهم
تحياتي واتمني التوفيق
ونورتني
شوفى يا قمر الهروب لوحده بيوصل لحاله يأس مش طبيعيه
انما المقاومه بتخلينا فى حاله تجديد امل متكرر
كتير منا بيمر بنفس الحاله ومنهم اللى بيسلم ليها وده بيكون وصل لحاله اليأس المتأخرة وممكن تتحول لحاله اكتئاب خاص
والبعض الاخر بيرفص الاستسلام وبيقاومه اوى لحد ما يوصل للى هو عايزة
ارجو ان اكون قد توصلت الى المعنى المقصود ويارب تكونى بخير وتفهمتى معنى كلامى
وتقدرى تقاومى وتخرجى من حاله الهروب المستمرة
الامل بيجدد جوانا مشاعر رقيقه وبيوصلنا لحاله دهشه سعيده
ربنا يصلح احوالك ويفرج همك اللهم امين
moon light
انا مش لقيه حل مناسب غير اني افضل موجوده وبتنفس مسبش الامل يختفي حتي من حقي في الحياه
ما دام فى امل
يبقى
فيه حياه
حمد لله ع السلامة
كالعادة متميزة بكلماتك البسيطة والجميله التى تنال إعجابى
ربنا يوفقك يارب
فى إنتظار جديدك
بهديكم بوكيه من الورورد على أنغام أحلى عود ودايما العيد عليكم يعود كل سنة وانتم دايما بخير
عيد سعيد على كل الناس الطيبين
فينك من زمان؟
كل سنة وانت طيبة :)
إرسال تعليق