صمتي ليس جهلا بما حولي ولا كن ما حولي لا يستحق الكلام

مش مهم العدد المهم ان ليا صوت

الثلاثاء، 2 مارس 2010

هــــــو بغباوته ؟؟؟؟


الــــــــــــــــــــــــــــــــحب

انا بقي قلت هتكلم علي كل الي معصبني وغيظني وحارق دمي
دلوقتي بقي اكتر حاجه تعباني اوي من جوه هو الحب
احنا بنحب ايه ومين وليه وعشان ايه
ابويا عشان هو ابويا ولا عشان هو سبب وجودي في الدنيا ولا عشان بيعمل حجات تستاهل اني احبه
عمي خالي عمتي خلتي
الناس ديه ايه وجودها في الحب في حيتنا
امـــــــــــــــــــــى بحبها عشان هي الي تعبت وشالتني في بطنها شهور وايام وخلتني جمبها قلبها
وعشان بتعمل كل حاجه تستاهل اني احبها
المفروض احبها عشان بتعمل حجات تستاهل الحب ده ولا المفروض احبها كده وخلاص عشان هي فعلا تساهل كده
اخويا واختي
المفروض انا كده ابقي في الدنيا بحبهم
المفروض احبهم وخلاص عشان هما اخواتي من امي وابويا
ولا يمكن عشان اتربيت ولعبت وكبرت معاهم
يمكن عشان لو يوم وقعت هلاقي اخويا في ضهري يكون سنادي واماني وحمياتي
الصديق والصديقه
صحبي وصحبتي
لزم يبقي في شروط في الحب حدود في الكلام
لزم احبه صديقي عشان بيقدملي خدمات ولا بيقف جمبي
ولا احب صحبتي عشان طلعت جدعه معايه في اي حاجه
ولا يمكن بحبهم عشان لما بتخنق بجد مش بلاقي غيرهم يسمع
الناس دي كلها حبها حاجه وفي مكان لوحده وليه مكانه من الحب في القلب
لاكن بقي اكتر حبي غيظني ومش لقيه ليه وصف ولا حل ولا شرح ولا هو بيجي ليه
ولا عشان ايه ولا ايه السبب انه يجي وبيجي ازي وامته
حب الحبيب لحببيه الخطيب لخطيبته الزوج لزوجته
الناس ديه كلها عندها حب تاني خالص
مبني علي اي اساس
عشره وتفاهم وخلاص
حب وموده وامان
مش عارفه اجيب اساس للحب في اي حاجه
اي علاقه حب بيبن اي اتنين
معقده اوي عندي
حتي بيني وبين نفسي الحب معقد اه الحب بيجي فجاء
بس بردو احب اعرف جيه ليه واشمعنه جيه مع ده
ايه اساس الحب وايه اخر الحب
وازي بقي اعرف احب الي بحبه
ياتري في حجات معنيه لزم اعملها في حجات لزم اضحي بيها
هو هيعملي ايه في مقابل كده يضحي هو كمان بحجات
مش عارفه بس يمكن اعرف ويمكن معرفش
بس كل الي اعرفه ان الناس الي في حيتنا بنحبهم
بنحبهم زي ما هما حتي لو فيهم ايه بكل حجاتهم الكويسه والوحشه
حتي لو جرحونا او زعلونا او خصرونا لاي سبب
حتي لو صحيت من نومك لقيت اقرب حد ليك هو الي خانك وجرحك مهما عملت عشان تكرها مبتعرفش
بتفضل فاكر اكيد ليه حاجه كويسه وبتدور عليها
عشان احنا لما بنختار نحب بنحب بكل الالون مش نختار لو ن واحد ونسبت عليه
الحب مفهوش يا ابيض يا اسود الحب فيه كل حاجه
واحلي حاجه في الحب انك تعرف تسامح الي بتحبه
ومش شرط الي بتحبه يكون الحبيب
ممكن يكون الصديق الصديقه
الاخ الاخت
الخال العم الخاله
حتي لو جارك ولا جارتك
اي ناس في حياتك انته بتحس انك بتحبهم
نصيحه في الاخر بجد الي بيحب مش لزم يشوف حاجه وحشه في الي بيحبه
عارفه اني كلامي قلب علي رومنسيه اوي في الاخر بس بجد احلي حاجه في الدنيا انك تحب الناس
والي يعرف يحب الناس الي حواليه يعرف يحب اي حاجه
لسه في ناس تستاهل انها تتحب
وطول ما في قلب بيدق ودم بيجري في عروق يبقي لسه مفيش قلوب ماتت
هي وقفه بس عن العمل
الي عنده قلب واقف او يعرف حد قلبه واقف كل الحكايه اعادت تشغيل
اعمل رستارت للمشاعر الي جواك
مش لزم تحب حبيب
حب اي حد المهم انك تلاقي حد تحبه
هو اه الحب يعصب ويحرق الدم وينرفز اوي ي ي ي
بس بجد يستاهل اننا نجرب
تـــــــــــــحياتـــي


هناك 17 تعليقًا:

P A S H A يقول...

ياااااااااااااااااااااااااااه

حمداً لله ع السلامة .. فينك ؟؟

يا رب تكوني بألف خير إن شاء الله.

هاقرا وأرجع أعلق .

نورتك طبعاً :)))

سلام

P A S H A يقول...

ممممممممممممم

لازم أعلق يعني ؟؟ :))

ما تمشي التعليق الأولاني وأديكي شيكولاتايه :))

أقول لك !!
إمسحي الاتنين وإديكي شيكولاتين :))


هاحاول أعمل ريستارت !!

تحيااااااااااتي
نورتي البلوجر تاني

سلام
:))

lostlove يقول...

P A S H A

نورت نورت
هههههههههههه هات طيب الشيكولاته من غير ما امسح حاجه
هههههههه وعلي مهلك وانته بتقرا وخالي بالك من السلمه المكسوره

تحياتي

واتمني التوفيق

sony2000 يقول...

الحب دا بيجي لان ربنا هو اللي كتبه وبيأذن بيه
انا شيفه كدا
لما ربنا يبخلي اتنين ميعرفوش بعض يتقابلو ويجبو بعض
دا مكتوب ومقدر
مقدر لو كانو هيكملو ولا لا
مقدر هنشوف مين وهنحب مين وهنكره مين
يارب يحبب فيكي خلقه
تقبلي مروري وتحياتي

mhmdwahab يقول...

السلام عليكم
لا يوجد شروط فى الحب او اسباب ولا وقت معين
المشكلة هذة الايام ان حب الجنى زى لغة اهل اسكندرية المال يعنى هو الاساس عند الكثير من الناس و ليس الكل
المال يجعل الاخ مش اخ و الاخت مش اخت و الصديق عدو ربنا يستر

mhmdwahab يقول...

اة بالنسبة لموضوع التجربة ماتعرفيش حد اجرب فية او يجرب فية و اهو كلة تجارب بس لا احب التجارب الفاشلة
اة لو صاحب المحل هو نفسة اتشاطر و بقى حرامى ممكن اجى اتدرب عندة

غير معرف يقول...

السلام عليكم
ازيك
الحب شىء جميل ونعمه من عند ربنا لينا
وزى ما قلتى هو انواع
يعنى حب الواحد مننا لامه ولابوه ولاخواته
مختلف تماما عن حب الزوجه

ودى حاجه بس بسرعه
المفروض الزوجه او الام او الاخت تعرف ده ومتحاولش انها تخير الراجل مابين حبها وحب اهله

طبعا حب الام والاب والاخوات
ده حب فطري
وطبعا كل ما بيكون فيه حاجات بيقدموها لينا طول ما بيزيد الحب
وطبعا فيه اطمئنان انهم سندي فى اى وقت زنقه او حتى فضفضه
او حتى فى وقت الفرح انى الاقى حد يفرح لى
دي لوحدها كفايه

ولكن ايضا بعيدا عن حب الاهل وكده
فيه حب المسلم لاخيه المسلم
فده برضه يحب له اللى بيحبه لنفسه

بعد ده كله فيه ملحوظه
ان الواحد مننا لازم يفكر بعقله وقلبه
لانه للاسف فيه ناس ممكن متستاهلش حبنا ليها
ناس تلعب بقلبنا ومش مقدره حبنا
ناس تستمتع بعذابنا
فهنا العقل يتدخل وميسبش القلب ماشى محتار
القرار صعب وعايز دراسه
والدراسه دي صعب يعملها القلب لوحده
لازم العقل معاه
وطبعا الاستخاره فى كل امورنا

اسف جدا جدا للاطاله
شكرا على الموضوع المهم
ربنا يكرمك ويسعدك

أحلام واقعية يقول...

عندما يدخل قلوبنا لا نسألة إلى أين
ومتى سيخرج وكيف ؟
وهل سينتهى بنا فى أى وقت
أم سيبقى معنا حتى الموت
من كلماتى عن الحب
التوبيك بتاعك جميل والتوبيكات التانية كمان حلوة أوى تسلم إيدك

فشكووول يقول...

السلام عليكم
مافيش سبب للحب
وما تحاوليش تلاقى سبب
هو شعور انسانى
ونحن بشر (انسان)
والانسان يختلف عن الحيوان لان الحيوان يعيش بالغريزه
اما الانسان فله افكار وعقل وقلب واحاسيس
طب ازاى تفسرى انى ممكن احب واحده او اى واحده ممكن تحبنى من غير ما يكون لى او لها اى ميزات ... وممكن اكون او تكون كلها عيوب
الحب دا من عند ربنا
ومن غير سبب
وما نحاولش نلاقى سبب
لاننا ببساطه بشر
تحياتى

Sam Sh يقول...

الحب مالوش سبب يا عزيزتي ...
الحب ده عامل زي القضا المستعجل .. مفيش منه مهرب !!!!
حب الأهل بيكون بسبب الرعاية و الحنية و الحب .. بسبب إنهم بيعملوا حاجات تستاهل يتحبوا علشانها .. ده طبعا إلى جانب التعود على وجودهم في حياتك و حاجات تانية كتييييييييير طبعا ..
عموما الحب موضوع معقد جدا يطول شرحه .....

تحياتي
:)

lostlove يقول...

mhmdwahab

تحياتي وشكرا علي مرورك

فعلا بقي كله بيبص للحب بنظره في مده

علي قد ما تدفع علي قد ما تتحب

وده بيغر النفوس الي لان الي يبص للفلوس لزم يتغير


هههههههه التجربه بقي مش عارفه القي حد ينفع تجارب ولا لاء

وبنسبه لصاحب المحل

ممكن تيجي وتتدرب عنده
ههههههههههه ونسرق بنك ونبات خميس وجمعه في مدريه الامن

تحياتي
اتمني التوفيق

lostlove يقول...

م/محمود فوزى


وعليكم السلام
الحمد لله بخير
ازي حضرتك انته
نورت

هو فعلا موضواع محير
وياتري انهي يكسب حب القلب والعقل
ولا لزم نجمع الاتنين عشان يبقي له صح

وفعلا كل حد في حيتنا ليه نوع حب معي وليه مكانه في القلب


تحياتي

اتمني التوفيق

lostlove يقول...

أحلام واقعية

تحياتي

نورت
كلمات جميله وتسلم ايدك

فعلا عندنا الاسئله ديه كلنا
هل الحب لما بيجي هيفضل معانه لحد امته

تحياتي

اتمني التوفيق

lostlove يقول...

فشكووول

تحياتي
نورت
وشكرا علي مرورك

انا مش بلاقي سبب

انا بقول ليه بنحبهم وي وضحت احنا ليه بنحبهم
عشان الحب بيجي كده من غير سبب
بس هل كل الي بنحبهم يستاهلو اننا نحبهم
بردو لزم اسئل ليه بحب الي مينفعش احبهم
الحب حاجه بل فتره من عند ربنا
بس لو سبنا قلبنا يحب هيحب بس لزم نحكم العقل ونعرف مين يستاهل الحب ده

تحياتي

اتمني التوفيق

lostlove يقول...

Sam Sh

تحياتي

نورت

هو اكتر حاجه معقده في حياتنا الحب

عشان فعلا حاجه ملهاش سبب

قضاء مستعجل

بس لزم يحصل

بس بردو ياتري بيحصل ليه
والي بنحبهم يستاهلو
وايه دور العقل في القضاء ده

مش عارفه لسه
بس بحاول اعرف

تحياتي

اتمني التوفيق

لــــ زهــــــراء ــــولا يقول...

الحب هو الحب
اسبابه كتييييرة

حب الام الاب الاخ الاخت

حب فطري اتخلق جوانا

الصديق - الجار....
حب اوجدته العشرة

الحبيب
حب نصيب

lostlove يقول...

لولا وزهراء

اتفق معاكي
واختلف بردو

احنا بنحب اهلنا حب فطري
لاكن لو يوم اخويا جيه عليا
ياتري هفضل احبه

حب الجيران والاصدقاء عشره وتعود
بس بردو انا حبتهم ليه
وممكن اخصرهم ليه
وياتري هفضل احبهم وفاكر ليهم الخير ولا لاء
حب الحبيب فعلا نصيب مختلفش معاكي
بس ياتري مين الي يستاهل الحب
تحياتي
ونورتني
اتمني التوفيق